​Гырылдаудан ничек котылырга?

Еш кына күрше мендәрдән ишетелгән гырылдау тавышы төн йокысын качыра. һәм, ни кызганыч, төрткәләү дә, әйткәләү дә файда бирми, гырылдау дәвам итә. Кеше ни сәбәпле гырылдый соң?

Сәбәпләре:
Йоклаганда йоткылык асты мускулларының табигый  эшчәнлеге түбәнәю;
Борын бүлгесе кәкрәю;
Тамак һәм борындагы тын юлларының тумыштан тар булуы;
Борын эчендәге лайлалы ит үсентесе (полип) һәм аллергияле ринит;
Зурайган аңкау бизе, аденоид;
Аңкау теле озынаю;
Тешләрнең дөрес урнашмавы;
Калкансыман биз эшчәнлеге бозылу;
Арыганлык;
Организмның картаюы.


Үз-үзеңә ярдәм ит

Йокларга яту алдыннан борын тишекләрен тын алырга комачауламаслык итеп чистартыгыз. Моның өчен һәр кич борын эчен диңгез тозы эретмәсе белән юарга киңәш ителә. Шундый ук эретмә белән тамакны чайкау да файдалы.

Карават башын күтәртегез. Моның өчен баш ягыннан карават аякларына ун сантиметр калынлыкта шакмак куярга кирәк. Гәүдә торышын шул рәвешле үзгәртү телнең кысылуын киметә. һәм организмдагы сыеклык түбәнгә төшә, борын белән тамак юлларын бушата;

Артык дәрәҗәдә тыгыз зур мендәрләр кулланмагыз. Мондый мендәрдән, гадәттә, кеше шуып төшә, нәтиҗәдә — муен бөгелә һәм тын юллары кысыла. 
Иң кулае — кечкенә мендәрләр.


Файдалы күнегүләр

 Телне иң элек зур итеп алга чыгарыгыз, аннары көч белән аңкауга этегез. Шул чыгарылган һәм этелгән халәттә телне бер-ике секунд тотып торыгыз;
 Ияккә кул белән басып, аскы казналыкны алга һәм артка йөрткәләгез;
 Йокы алдыннан агач яисә пластик таякчыкны тешләр белән өч-дүрт минут нык итеп кысып торыгыз;
 Беренче һәм икенче күнегү тел мускулларын, аскы казналыкны чыныктыру өчен эшләнә. Ә өченчесе тамак мускуллары эшчәнлеген яхшырта, алар йоклаганда да тиешле тонуста кала, гырылдау кими.

Гырылдауны дәвалауның иң гади юлы — сәламәт тормыш белән яшәү. Мәсәлән, гәүдәнең чамадан тыш авырлыгы да гырылдауга сәбәп. Әгәр кешенең аңкау бизләре зурайган, борын бүлгесе кәкрәйгән, борынында үсенте булган очракта да, гәүдә авырлыгын 100 килограммнан 90 килограммга төшереп ябыксаң, гырылдау күпкә кимергә яисә бөтенләй бетәргә мөмкин. Шул ук вакытта йокы алдыннан тәмәке тартудан, хәмерле эчемлекләр эчүдән дә баш тартырга киңәш ителә. Гомумән, хәрәкәтчән актив тормыш белән яшәү һәрьяклап файдалы.
 

Халык чаралары

 Чи кәбестә яфрагын ваклап турагыз да, бал кушып, болгатып йокы алдыннан ашагыз яисә бер стакан кәбестә согына бал кушып эчегез. Моны ай буена дәвам итегез.
 Күпчелек очракта кеше чалкан яткач гырылдый, шуңа күрә алай йокларга тырышмагыз.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7642
    2
    53
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    5166
    0
    35
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    2067
    0
    22
  • Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
    3852
    1
    21
Реклама
Соңгы комментарийлар
  • 24 март 2023 - 14:07
    Без имени
    Бай ирлэрнен ботен байлыгын балаларына яздырасы иде ул, бер тиенсез ир белэн икенче яшь хатыны яшэргэ телэр идеме икэн?
    Дус кызымның ире икенче хатын алган 
  • 26 март 2023 - 07:29
    Без имени
    Әлбиттә ирҙән айырылған ҡатын менән иреңде бер өйҙә ҡалдырып китеү ялғышлыҡ. Тик ирҙе өйҙә бикләп ултыртып, кешегә күрһәтмәй йәшәп булмай. Йөрәгендә тоғролоҡ булмаған кеше барыбер хыянат итер ине иртәгәме һуңмы.
    Бәхетемне сакламадым
  • 27 март 2023 - 07:59
    Без имени
    Ис китмәле хикәя бала чакка кайтып килгәндәй булдым рәхмәт авторга.
    Кунак мунчасы
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату