Коллегаларыгызның һәм җитәкчелекнең сезне хөрмәт итүен, сезнең фикергә колак салуын телисезме? Хөрмәтне таләп итеп булмый, аңа лаек була белергә кирәк!
Әгәр менә бу 7 алымны үзләштерсәгез, коллективта ышанычлы позициядә булачаксыз.
1. Усалланмый гына ышанычлы тавыш белән сөйләгез!
а) «Минем уйлавымча...», «Мин, бәлки, дөрес әйтмимдер...» ише икеле-микеле сүзләрне кулланмагыз;
б) аңлаешлы һәм тыныч итеп: «Мин тәкъдим итәм», «Бу яхшы вариант» дип әйтегез.
Башкалар үз-үзенә ышанган кешене хөрмәт итә.
2. Ачу китерүче коллегаларыгыз белән дистанция саклагыз!
а) гайбәтләргә, офис интригаларына кушылмагыз;
б) үзе юкта җитәкчене тикшермәгез – гадәттә ул юньлегә илтми: сүзегезне күзенә туры карап әйтегез;
в) башкаларга яхшы мөгамәләдә булып, аралашуның нейтраль стилен саклагыз.
Шулай ышанычлы кеше репутациясен булдырырсыз.
3. «Юк» дип әйтүдән курыкмагыз!
Сезгә башкалар эшен өяләр, уңайсыз үтенечләр тагалар икән, тыныч кына: «Мондый эшкә алына алмыйм», – дип әйтегез.
Үзен куя белгән кешене хөрмәт итәләр.
4. Инициатива күрсәтегез!
Лидерлык сыйфатлары акыллы кыяфәт чыгарып утыруда түгел, эш-гамәлләрдә чагыла.
а) идеяләр әйтегез;
б) җаваплылыкны үз өстегезгә алыгыз;
в) үз өлкәгездә эксперт булыгыз.
Командага сездән никадәр файда булса, дәрәҗәгез дә үсеп китәчәк.
6. Акланмагыз, аңлатыгыз!
Нәрсә турында сорасалар да, сүзне гафу үтенүдән башламагыз!
а) «Гафу итегез, соңга калдым, чөнки...»
б) «Мин соңардым, чөнки мөһим мәсьәлә хәл итеп йөрдем...»
Җавапларның аермасын тойдыгызмы? Нинди тон белән сөйләшәсең бит!
Аклануны фактларга алыштырыгыз, статусыгыз шундук үзгәрер.
7. Эмоцияләрегезне контрольдә тотыгыз!
Коллегалар салкын акыл саклый белүчеләрне хөрмәт итә.
а) ярсуыгызны тышка чыгармагыз;
б) эмоцияләрдә бәхәскә кермәгез.
Ситуация киеренке булса, дәшми калыгыз, сүзегезне соңрак әйтерсез.
Белеп торыгыз: хөрмәтле булу – ул титул түгел, ә бәлки үзегезне ничек тотуның чагылышы.
Следите за самым важным и интересным в Telegram-каналеТатмедиа
Комментарий юк