Сарымсакларыгызның йодрык кадәр булуын теләсәгез, даруханәдән «өч тиенлек» менә бу ике препаратны сатып алыгыз. Нәтиҗәсенә үзегез үк шаккатарсыз.
Әлеге препаратлар бик гади һәм аларны теләсә кайсы даруханәдән сатып алырга була. Бәяләре дә арзан гына.
Ике препаратның берсе – бор кислотасы.
Бор үсемлекләрнең углевод алмашын яхшырта, уңышын арттыра.
Икенче препарат –10 процентлы нашатырь спирты.
Нашатырь спирты – тиз үзләштерелүче азот. Үсемлекләрнең күбесе үскән чорда азотка мохтаҗ. Шул исәптән, сарымсак та.
Ләкин әлеге ике препарат нәкъ менә икесен бергә кулланганда нәтиҗәлерәк.
10 литр суга 5 грамм бор кислотасы һәм 1 аш кашыгы нашатырь спирты алына.
Бор салкын суда начар эрегәнгә, аны башта аз гына күләмдәге кайнар суда эретергә кирәк. Бор кислотасын 5 граммнан кимрәк алсаң, нәтиҗәсе булмый. Ә күбрәк булса, сарымсак кыякларын яндырырга мөмкин.
Ашламаны һәр төпкә 300 миллилитр чамасы сибеп чыгасы. Ләкин аны көндез сибәргә ярамый: бары кичке якта һәм бары дымлы туфракка гына сибәргә була.
Бор һәм нашатырь спирты кушып ясалган ашламаны июнь аенда һәм бары бер тапкыр гына сибәләр.
Нәтиҗәсе бер атнадан ук күренә: сарымсак кыяклары яшәреп китә, төбе юаная, ә башы тулыша башлый.
Следите за самым важным и интересным в Telegram-каналеТатмедиа
Лилия Гәрәева әзерләде,
Комментарий юк