Алмаз ХӘМЗИН автор яңалыклары

Әлфис баянын алып, көен дә уйнап карады. Үзенең күзләрендә яшь... «Рәхмәт, егетләр! Мин әле аны яттан өйрәнеп бетерим», – дип, безне озатып калды...

90 нчы еллар. Җәйнең соңгы көннәре. Республика кырларында кызу урак өсте. Әлеге матур көннәр соңга таба бозылырга мөмкин: урып-җыюны тиз арада төгәлләргә кирәк. Ә без – артист халкы авыл эшчәннәренә көч-куәт өстәргә теләп, концертлар куеп йөрмәкче булабыз. Популяр җырчы һәм композитор Фирзәр Мортазин бер төркем җырчылар җыеп һәм араларына мине дә алып, җиң сызганып эшкә керештек.