Студент чагында ул үзе белән: «Мин шаян, уйчан, үҗәт, тыңлаучан һәм максатчан кыз», – дип таныштырган иде. Шагыйрә, журналист Дания Нәгыймгә яңа сыйфатлар өстәлә бара: ул тырыш, җаваплы, эзләнүчән, оештыру сәләтенә ия, иҗатта яңа үрләр яулый. Татарстан Язучылар берлеге әгъзасы, Ш. Маннур, М. Җәлил исемендәге премияләр лауреаты, «Галәм агачының яфрагы мин», «Бөртекләп җыелган гомер» китапларының авторы.
