Байрта Левинова үзенең беренче хикәясе «Бумеранг»ны 1995 елда яза. Һәм ул «Известия Калмыкии» газетасында басылып та чыга. Моңарчы ул бөтен язмаларын үзе өчен генә язып, күңелен кәгазьгә генә бушата торган булган. Интернет Байрта өчен яңа мөмкинлекләр ачкан. Менә дүрт ел инде Левинова үз блогын алып бара. «Балачак белән сөйләшү» дигән китабы да Россиянең төрле почмакларында яшәп, Байрта блогын укып баручыларының соравы буенча басылган. Анда авторның төрле кыска язмалары урын алган. «Балачак белән сөйләшү» хикәясе әдәби дайджестта да дөнья күргән. Игътибарыгызга калмык язучысының туган җиргә мәхәббәт белән сугарылган, калмык далаларын, Чограй суларын, туган авылы Зунда-Толганы яратып язган «Балачак белән сөйләшү» хикәясен тәкъдим итәбез.
