“Татар җыры”нда Әлфия Афзалова белән Хәния Фәрхине искә алачаклар

16 декабрь көнне "Татар җыры" концертында Татарстанның халык артистлары, мәрхүм җырчылар Әлфия Афзалова белән Хәния Фәрхине дә искә алачаклар. Бу хакта "Барс Медиа" продюсерлык үзәге хәбәр итә.

"Зур тамаша, грандиоз концерт, елның иң дәрәҗәле һәм масштаблы музыкаль вакыйгасы – бу сүзтезмәләр инде күптәннән “Татар җыры” халыкара эстрада фестиваленең синонимнарына әйләнде. “Алтын барс” премиясен тапшыру тантанасы күңел ачарга, күтәренке кәеф, онытылмаслык эмоцияләр бүләк итәргә чакырса да, быелгы церемониядә лирик ноталарга да урын булачак", - диелә "Барс Медиа" тараткан хәбәрдә. 

"Быел эстрадабыз зур югалтулар кичерде. Татарның йѳзек кашлары булган җырчыларыбыз – Әлфия Афзалова белән Хәния Фәрхи китте. Бу вакыйгалар беркемне дә битараф калдырмады. Фестивальнең алыштыргысыз, кадерле кунагы булган Хәния Фәрхине һәм татар сәхнәсенең легендасы Әлфия Афзалованы “Татар җыры”нда искә алачаклар. Мәшһүр артистларыбызны аудиоязмада ишетеп, сәхнәдәге экраннарда күреп булачак", - дип вәгъдә итә оештыручылар.

"Иҗатында яшәү, ярату, туган якка кайту турында байтак җырлар башкарган Хәния Фәрхи исән чагында Разиль Вәлиевка “китү” темасына җыр язарга сорап мѳрәҗәгать итә. Шикләнеп булса да, җырчының теләгенә каршы килмичә, Разил Вәлиев шигырьнең 1 нче куплетын язып ɵлгерә. Кызганычка каршы, әлеге шигырь юллары атаклы җырчыбызның чынлап та китәчәген фаразлау булып чыга", - ди продюсерлык компаниясе вәкилләре. Хәния Фәрхигә хѳрмәт һәм мәхәббәт йѳзеннән, “Татар җыры” фестивален оештыру комитеты Разил Вәлиевкә әлеге җырны язып бетерү һәм, җырчының якты истәлегенә багышлап, “Татар җыры” сәхнәсендә уку үтенече белән мɵрәҗәгать иткән.

чыганак: http://tatar-inform.tatar/news/2017/11/01/151470/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 5 август 2022 - 21:22
    Без имени
    Хикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.
    Кешенеке – кештәктә
  • 7 август 2022 - 06:12
    Без имени
    Сокланып ,соенеп укыдым. Алдагы гомерегездэ бэхеттэ ,тынычлыкта утсен.
    Бәхет йорты
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
    Башыңны сакла, балам...
  • 5 август 2022 - 14:06
    Без имени
    Бик дөрес, язса👍
    Ата белән бала
  • 7 август 2022 - 19:14
    Без имени
    Шундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...
    Ата белән бала
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда