“Татар моңы” конкурсында Салават Фәтхетдинов татар теленең киләчәге турында фикерен әйтте

“Пирамида” залында өч сәгать барган “Татар моңы” Халыкара яшь башкаручылар телевизион конкурсының гала-концерты бөтен катнашучыларның бердәм булып “Туган тел”не җырлавы һәм конкурс жюриы, Татарстанның халык, Россиянең атказанган артисты Салават Фәтхетдиновның сүзләре белән тәмамланды.

“Сез кая килгәнегезне белеп килгәнсездер – бу “Татар җыры” түгел, бу фестивальнең максаты икенче. Бу – шоу түгел. Монда сикермиләр! – дип башлады ул сүзен. - Безнең беренче таләп – татарча киенү. Аллага шөкер – безнең фестивальдә берсенә берсе охшамыйча матур киенәләр. Икенчедән – онытылган, югала барган җырларын эзләп табып халыкка җиткерү. Безнең менә шундый таләпләр иде”.

“Әле татарча җырлау ул татар моңы дигән сүз түгел. Хәзер бит кеше ничек теләсә, шулай җырлый. Хәзер кеше җыр сорап йөрми, үзе яза да, үзе җырлый, аптырап тормый хәзер безнең халык. Шулай итеп, татар моңы югала, - дип дәвам итте ул. - Безнең мактанырлык һәм тартып алынмаслык бер әйберебез бар: ул - моң!”

Салават Фәтхетдинов киләсе конкурсның унбишенче - юбилей конкурсы икәнен дә искәртте.

“Быелгы фестивальдә шунысы куанычлы– мин моны мактанып та, үкенеп тә әйтмим – быел читтә яшәүче татарлар көчлерәк. Димәк, әле гаепне үзебездән - Татарстаннан эзләргә кирәк икән. Гаепне дә, моңны да...” – дип тәмамлады ул фикерен.

Искәртеп үтәбез, кичә "Татар моңы-2017” IX Халыкара телевизион яшь башкаручылар конкурсы гала-концерт белән төгәлләнде.

Мәгълүмат өчен: “Татар моңы-2017” IX Халыкара телевизион яшь башкаручылар конкурсын гамәлгә куючылар Татарстан Республикасы Мәдәният министрлыгы, Татарстан Республикасы Президенты каршындагы Мәдәниятне үстерүгә ярдәм күрсәтү фонды, “Салават” эстрада театры, “Яңа гасыр” телерадиокомпаниясе, Бөтендөнья татар конгрессы Башкарма комитеты.

Жюрины быел да Салават Фәтхетдинов җитәкли, аның урынбасары – Татарстанның халык артисты Фердинанд Сәлахов. Жюри составында Татарстанның атказанган артисты Филүс Каһиров, Казан дәүләт консерваториясе укытучысы Сәгыйть Хәбибуллин, Татарстанның халык артисты Кирам Сатиев, Наил Сәгъдиев, эстрада җырчылары Резеда Шәрәфиева һәм Зөлфия Шакирова бар. 

чыганак: http://tatar-inform.tatar/news/2017/11/29/153289/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9042
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9110
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4849
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6070
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан