Шигъри сүздән сәхнә тагын җанланып китте

 

“Татар җыры” фестивале гадәттәгечә югары профессиональ дәрәҗәдә дәвам итә иде. “Хит парадлар лидеры” номинациясе җиңүчеләре Эльмира Сөләйманова белән Рамил Галимҗановка Алтын барс тапшырырга Татарстанның халык шагыйре Разил Вәлиев сәхнәгә чыккач, концертка шигъри сүз дә килеп керде.

Ул татар халкының җырчылары да, җырлары да күп дип зарланалар, зарланмаска кирәк, чөнки җыр – байлык ул, ә байлык күп булмый, дип үз фикерен белдерде. Һәм быелгы ел татар халкының җыр сәнгатендә олы югалтулар белән истә калачак, дип Әлфия Афзалова һәм Хәния Фәрхигә багышлап язган “Хушлашу” шигырьләрен укыды.

- Әлфия апа белән соңгы тапкыр дәваханәдә очраштык. Хәле бик авыр, күреп торам. Әлфия апа, нишләп йөрисез, авырып киттегезме әллә, дип сорадым. “Кит аннан, нәрсә сөйлисең, җырчылар авырый, димени? Мин монда гастрольләргә килдем”, - дип җырлап җибәрде. Менә шундый иде ул Әлфия апа.

Ул халкымның шатлыгы да,

Ул халкымның моң-зары.

Елата да, юата да,

Әлфия Афзалова.

Татар җыры бәйрәм итә

“Пирамида” залында.

Ә бәйрәмнең иң түрендә,

Халыкның күңел түрендә –

Әлфия Афзалова!

 

- Хәния белән соңгы тапкыр филармониядә аның концертында май аенда очраштык. Шунда ул миңа килде дә: “Разил, син бик күп җырлар яздың, мин җырладым. Ләкин минем җырларымның күбесе “кайтам инде”, дигән сүзләр белән. Әйдә әле син миңа “китәм инде” дигән бер җыр язып бир”, - диде. Ул моңсу булыр бит, дидем, ләкин каршы килмәдем. Исән вакытында яза башлаган идем, ул бакыйлыкка күчкәч язып бетердем.

Мин җиргә яз белән килгәнмен,

Елыйсы урында көлгәнмен.

Күз яшен йөрәккә яшереп

Яшисен алдан ук белгәнмен.

Мин җирдә моң эзләп яшәдем,

Яшеннәр сукса да, дәшмәдем.

Елларым, чакрымнар тартканда

Алыплар тавыннан яшәрдем.

Дөньяга килү бар, китү бар,

Газаплы ул көнне көтүләр.

Мин сезгә мең кабат бурычлы,

Мин киткәч, бурычым җыр түләр.

Мин китәм мәңгелек иленә,

Хушыгыз урманнар, кырларым,

Мин китәм язмышка ияреп,

Калдырып иң газиз моңнарым.

Мин китәм мәңгелек иленә,

Бәхетле булсыннар җырларым.
 



видео: TMTV

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6099
    1
    44
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7100
    0
    32
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3808
    0
    30
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1904
    0
    26
  • Мин аны Ходайдан сорап алдым Ул чакта алдымда ике юл иде: йә үземне тулысынча карьерага багышлыйм (мин бу вакыт Мәскәүдә, бик зур бер оешмада әйдәп баручы юрист булып эшлим), йә...
    3203
    1
    20
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда