Ләйсән Гыймаева һәм Булат Бәйрәмов адашканнар.

Саратовка никах туена барганда төнлә булган маҗаралары белән Ләйсән Гыймаева инстаграмында бүлеште.
«Казаннан 500 км киткәч, навигатор, адаштырып, урман юлына алып кереп китте. Урман юлы белән барсак, 4 км үткәч, кистереп, зур юлга чыгасы идек. Урманга кердек. Интернет, телефон тотмый башлады, ә навигатор күрсәтә. Юл тарая, начарлана бара... Колея, урыны белән сулы-бозлы чокырлар барлыкка килә башлады... Машинаның защитасы җиргә тиеп-тиеп ала. Машина йөртүче (исемен язмыйм): «Хәзер чыгып җитәбез авылны, зур юлга чыгабыз», – ди. Һаман барабыз... 
Барып җиттек! Су тулы чокырга утырдык! Арткы ишекне ачып булмагач, алгы водитель ишегеннән чыктым. Егетләр, инде машинадан чыгып, фонарь белән яктыртып алгарак барып килделәр. Анда инде юл әйбәтләнгән иде... Машинаны этеп карадык. Селкетеп тә булмады. Шуннан соң: «Әйдәгез, машинаны калдырыйк та юлга җәяү чыгып, берәр трактор-машина тотып карыйк», – дип уйлап, алга таба киттек...
Кулга сынган агач күсәкләре тотып алга таба киттек. Әле ярый беребездә телефон тота иде, шалтыратып, без кунасы абыйны ярдәмгә чакырдык. Ләкин аның киләсе юлы да 100 км бар. Ул килеп җиткәнче якындагы авылга барып машина табып, тиз генә үзебезнекен чыгарырбыз дип, позитив уйлар белән атладык. Урман һаман караңгылана, юл тарая, кул теге агач кисәген ныграк кыса башлады (урман бит...). Адаштык без, кыскасы...
Интернет бетте. Навигатор элек җыйган маршрутны күрсәтә, ләкин урыннан кузгалмый. Янда елга барлыгын күрсәтә иде, аның теге ягында юл бар. Ләкин елганы кисеп чыгарга күпер күренми. Күренсә дә, без аны таба алмыйбыз бит инде, телефон фонаригы белән генә күрерсең, ди, күперне... Киттек елгага параллель урман юлы белән. Урманнан төрле тавышлар ишетелә. Күңелгә әллә нинди уйлар керә башлады. Аркалар тирләп чыкты. Моңарчы шаяртырга тырышып барган Булат та тынды. 
Күк йөзе ап-аяз, йолдызлы, матур. Ләкин урман ягыннан килгән тавышлар, урман юлындагы җәнлек эзләре күңелдәге шомны тагын да куертты. Телефон зарядкасы салкында бетмәсен дип, һаман юл буйлап барабыз. Фонарьларны чиратлап куша башладык. Вакыт-вакыт туктап, нишләргә дип, мозговой штурм ясап алабыз. Арыта да башлады. Озын юлдан соң төн уртасында урманда бер сәгать йөрибез бит инде... Әллә тиз-тиз атлаганга, әллә саф һавадан башлар да әйләнә башлады. Ләкин бер-беребезгә сер бирмибез... Мин егетләргә кычкырып сөйләшмәскә дә куштым. Эчтән догалар укып, Аллаһы Тәгаләдән тизрәк безне юлга чыгаруын, бүре-төлкеләрдән саклавын, балалар хакына тизрәк кайтып җитүебезне сорыйм...
Шулчак телефон шалтырый башлады. Ура-а-а! Телефон тота башлады – димәк, картадан карап кайда икәнебезне белеп була!
Без кунарга тиешле абыебыз шалтыратты. Юлда, диде. Интернет та әкренләп күренә башлады. Шуннан күрдек тә инде урау юл белән йөргәнебезне. Картада күперне дә таптык. Ләкин аңа чаклы тагын шул ук ераклыкка кире кайтасы булды. Күңелләр үсеп, тагын да тизрәк атлап күпергә таба киттек. Йөгерергә хәл калмады, аяк асты да боз иде...
Без күпергә барып җиткәндә абыебыз да килеп җитте. Аллаһка шөкер! Аңа җиткерәсе рәхмәтләрне әйтеп бетереп кенә булмый! Җылы машинага утыргач кына аяклар ничек арыганын, мамыкка әйләнгәнен аңладым. Күздән яшьләр акты... Әле кире шул юл белән урман эченә кереп машинаны тартып чыгарасы һәм 100 км кунасы урынга кайтасы бар иде... Анысын язып тормыйм. Иң мөһиме – без бүген Казаныбызга кузгалабыз. Өйгә-ә-ә-ә...»

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 5 декабрь 2021 - 07:53
    Без имени
    Яратам узегезне.
  • 5 декабрь 2021 - 07:51
    Без имени
    Менэ сина. Навигаторга ышанып йорсэн,.Уз башын,ны эшлэтергэ кирэк. Ярый исэн- сау калганнар.
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    12082
    2
    178
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    6602
    1
    64
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    7935
    2
    61
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    5963
    2
    56
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5129
    2
    53
Реклама
Соңгы комментарийлар
  • 21 гыйнвар 2022 - 10:12
    Без имени
    Куп язалар инде берсенен ире ташлаган да башка хатынга киткан. я инде егет жебеган анисе сузе белан яши. гел ирлардан зарлану да зарлану. Бу язма ичмасам балачакны, яшь чакны иска алдырды. кызык итеп, матур итеп язылган. авторга рахмат. Ату гел ир-егетларне гаеплау турында язылганнар туйдырган иде.
    Бутый, итек һәм... итек кенә дә түгел
  • 21 гыйнвар 2022 - 12:29
    Без имени
    Бу хәлгз тарыган кешеләргә холай түземлек бирсен.Зур рәхмәт авторга.
    Кулга-кул тотынса...
  • 20 гыйнвар 2022 - 15:40
    Без имени
    Э ник хатыны больниста улде?! Ан,ламадым...
    "Алтын таулар вәгъдә итмим..."
  • 20 гыйнвар 2022 - 12:00
    Без имени
    Бешергэнем бар, тэмле була!
    Лимон бәлеше
  • 21 гыйнвар 2022 - 06:35
    Без имени
    Бик матур хикая
    Туй балдагы
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда