Логотип
«Йолдызлы» яңалыклар

Лилия Муллагалиева: без кайбер елны өйләнешкән көнебезне онытабыз да

Татарстанның атказанган артисты Лилия МУЛЛАГАЛИЕВА гаиләсендә бүген бәйрәм – ире Илсур белән кавышкан көннәре

Татарстанның атказанган артисты Лилия МУЛЛАГАЛИЕВА гаиләсендә бүген бәйрәм – ире Илсур белән кавышкан көннәре. 

«10 июнь – безнең көн! – дип язды ул бүген инстаграмдагы битендә. – 21 ел кай арада узган. Шаккаткыч. Ышанып булмый. Бар да кичәге кебек күз алдында. Бу еллар безне яшьлектәгегә караганда да якынайтты. Гомеребезнең уртасына җитсәк тә, ниндидер планнар, яңа эш, уйлар белән янып йөрибез. 

Тормыш катлулы булса да, бик ямьле. Без бергә – без гаилә. Сау-сәламәт булып, балаларыбызның бәхетле киләчәгенә сөенеп, тагын күп еллар яратышып яшәргә язсын!» 

Безнең: «Бу көнне бер-берегезгә бүләкләр бирешәсезме? Озак еллар менә шулай матур яшәвегезнең берәр сере бармы?» – дигән соравыбызга Лилия ханым болай дип җавап бирде: 
– Төрле елны төрлечә. Бездә артык зурдан кубып котлаулар гадәте юк. Бәлки, шулай котлау кирәктер дә... Бүләкләр бирешү дә юк. Илсурның башына сугып чәчәк күтәреп кайтса, кире борып чыгарып җибәрмәячәкмен, әлбәттә.  Бик сөенәчәкмен генә!

Тормышыбыз кайнап тора – шуңа күрә без кайчак ул датаны хәтта онытып та җибәрәбез. Апаны котлаганда гына искә төшә. Бүген минем бертуган апамның туган көне. Без Илсур белән аның туган көнендә танышкан идек, аннан шул көнне язылыштык та. 

 

Ә матур яшәүнең сере бер-береңә юл куеп яши белүдәдер. Берең кызып киткәндә, икенчең аны суытып җибәрүдәдер. 

 

 

Следите за самым важным и интересным в Telegram-каналеТатмедиа

Комментарий юк

Хәзер укыйлар