Лилия Хәйруллина: “Әтинең холкы миңа да күчкән”

Җырчы Лилия Хәйруллина әтисе – танылган  композитор мәрхүм Рөстәм Хәйруллинны искә алды. 

– Вакыт шулай бик тиз ага. Әтинең вафат булганына да 9 ел узып китте. Мин шәхси тормышым, борчуларым, проблемаларым, эчке кичерешләрем турында язарга яратмыйм. Шуңа күрә күпләр минем тормыш позитивтан һәм матурлыктан гына тора дип уйлый. Бу фотоны да әтигә булган хөрмәт йөзеннән генә куям. Күп җырлар авторы булган әтием чыннан да иҗади шәхес, искиткеч яхшы күңелле кеше һәм әти иде. Мин аңа, беренче чиратта, тәрбиясе һәм чиксез яхшылыгы өчен рәхмәтле. Аны күпләр бик ярдәмчел кеше буларак хәтерли. Әтинең холкындагы кайбер сыйфатларын үземдә дә барлыгын сизәм, – ди Лилия.