«Фонограмма – телефон аша чәй эчү кебек» 

Кичә «Татар-информ» агентлыгындагы матбугат конференциясенә теләр-теләмәс кенә җыенган идем. Яллардан соң редакциядә эшләр шактый җыелган. Номер тапшыру көне дә борын төбендә, языласы мәкаләләр дә төгәлләнмәгән... 

Ә анда – күңелле очрашу! Кунаклары да нинди бит! Ризван Хәкимов, Салават, Илдар Галинуров, Ришат Төхфәтуллин, «Туган тел» каналы директоры Миләүшә Сибгатуллина... 

5 ноябрьдә Филармониянең концертлар залында популяр композитор Ризван Хәкимовның иҗат кичәсе булачак икән. Сөйләшү шул җәһәттән оештырылган. Концертта Айдар Галимов, Нәфкать Нигъмәтуллин, Ришат Төхфәтуллин, Радик Юлъяшкин, Илгиз Закиров, Марат Кәбиров, Илһам Хисмәтуллин... тагын әллә кемнәр катнашачак ди! Чып-чын Башкортстан–Татарстан сәнгать бәйрәме буласы икән! Композиторның «Моңнар кайтсын авылга», «Агымсу», «Елама, ярсыма...», «Әйтмә син авыр сүз» кебек җырлары күңелдә яңгырагандай булды. Ничек тә концертка барырга кирәк! 

Ризван Галимҗан улы Хәкимов үзе Башкортстанның Дүртөйле районы Исмаил авылында туган. Аны милли эстраданың Игорь Крутое дип йөртәләр хәтта. Башкортстан һәм Татарстан җырчылары үз репертуарларына Ризван Хәким җырларын алмый калмый! Күпләр аны хатыны Нәфисә белән җырлаган дуэтлары аша да хәтерлидер. Нәфисәсе автокатастрофада һәлак булгач, Ризван Хәким «Нәфисә» җыр театрын оештыра... 

...Матбугат конференциясендә Ризван Хәким җырлары турында да, татар эстрадасы хакында да җанлы сөйләшү булды. Илһам Шакиров белән Әлфия Афзаловага һәйкәл булдыруны да кузгаттылар. Анда яңгыраган фикерләр, кызыклы гыйбарәләр блокнотыма да күчкән. Кайберләрен сезгә дә җиткерәсем килә. 

«Кайсы гына җырчы җырласа да, җырларымны халык күңеленә җиткерерлек итеп башкарды. Мин аларга рәхмәтле! Халкым яратып кабул итте – мин бәхетле!» (Ризван Хәким) 

«Ризванның җырлары бик гади! Ходайдан бирелгән моң, гадилек аларда! «Көтмә син, көтмә, үпкәләмә» җырын 20 елдан артык җырлыйм инде. Ә минем күп җырларның яшәве 9 ай гына... Ризван үзе дә тыйнак, әдәпле кеше. Тыңлата белә, сөйли белә... Менә иртән торып килеп утырдым бит әле – рәхмәт аңа!» (Салават Фәтхетдинов) 

«Һәрбер җыры – шедевр. Йөрәккә барып ирешә...» (Миләүшә Сибгатуллина) 

«Ризван абыйның җырларын бәләкәйдән үк тыңлап үстек. Аның җырлары репертуарымда төп урынны алып тора. Беренче күрешүдә Ризван абый миңа: «Апаем, минем җырларны җырласаң, җырчы буласың», – дигән иде. Янына бардым. Ул миңа «Агымсу» җырын бирде. Тормышымда кыен бер чорда ул җыр миңа булышты да. «Никадәр авыр булса да, Агымсу юлын таба», – дигән юллар миндә өмет уятты. Бу матур җыр өчен Ризван абыйга һәм Марат Кәбировка зур рәхмәт. Ризван Хәкимовның татар сәхнәсендә легенда булырдай җырлары шактый». (Ришат Төхфәтуллин) 

«Сәхнә бозылды. Кем эшсез – шул сәхнәдә...» (Ризван Хәким) 

«Үзе сүзләрен яза, көен яза, үзе җырлый, үзе тыңлый, үзе кул чаба... Кем тели – шул җырлый, кем сәхнәгә менәргә тели – шул менә. Элек Советлар Союзы вакытында худсовет дигән әйбер бар иде. Профессионаллар сәхнәгә чыгарга ярыймы-юкмы икәнен әйтә иде».(Салават) 

«Мине «Тыңлачы, сандугач» җырын җырлаудан тыйдылар. Мин әлеге җырны күп башкардым. Хәзер аны тамашачылар тыңлый алмый, мин әлеге җырны үзем өчен күпме җырлыйсым килсә, шулкадәр җырлый алам. Минемчә, хокук дип җырны җырлаудан тыю дөрес түгел. Җырларымның бөтен хокукларын үземнеке итәргә тырышам, чөнки башкача мөмкин түгел. Аны ничек, кайда җырлыйсым килә, шулай җырларга тиешмен». (Ришат Төхфәтуллин) 

«Безнең Татарстан артистларының Уфадан кайтып кергәне юк. Мәш киләбез шунда. Ә тегеннән килүче юк. Анда талантлар бер көтү.Миндә укыган җырчыларның да күбесе Башкортстаннан. Салават башкортларны җыя инде, диләр. Нишләтсәң дә, талантлар шуннан килә бит».(Салават) 

«Кем моңлы итеп җырлый – колхоз, диләр. Колхоз бик шәп нәрсә. Колхоз концертка йөри. Чакыру белән генә килми». (Салават) 

«Җырларга яңа сулыш өрә яшьләр» ( Ризван Хәким) 

«Радик Юлъяшкинга рус эстрадасы стиле килешә. Ә миңа аның стилендә җырлау бөтенләй туры килми!» (Ришат Төхфәтуллин) 

«Айдар акыллы кеше инде ул. Депутат акылсыз була алмый. Ул Татарстаннан башлады». (Салават Айдар Галимов турында) 

«Әйтмә син авыр сүз»не бер генә җырлап калдым. Кирәкмәгәндә Асаф бик җитез булып чыкты». (Салават Асаф Вәлиев турында) 

«Фонограмма – телефон аша чәй эчкән кебек» (Салават) 

«Ризван абый минем өчен «Сөю бар әле» дигән җыр язды» (Ришат Төхфәтуллин) 

«Елама, ярсыма» – иң беренче җырларымның берсе иде. Ул җыр аркасында сәхнәдә күтәрелдем...» (Ризван Хәким) 

«Моңнар кайтсын авылга»җырын гына алыйк. Һәрбер татар, миңа калса, әлеге җырны белә. Иҗатың өчен рәхмәт, Ризван абый!» (Ришат Төхфәтуллин) 

...Матбугат конференциясе сулышын җиткерә алдым микән? Ришатның «Агымсу»ны җырлавы, Салаватның көтелмәгән репликалары, сорау-җаваплар бу очрашуны тагын да җанландырды. Ризван Хәким җырлары, булачак концерт турында сөйләшү җыр сәнгатебез турында гамьле әңгәмәгә әйләнде. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7628
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5435
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7489
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3772
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»