Ефремовны иртәгә ни көтә? Эчү аркасында карьерасы җимерелгән актерлар тагын бар

Россиянең атказанган артисты Михаил Ефремов китереп чыгарган юл фаҗигасендә кеше вафат булды. Актер рульгә исерек килеш утырган булган...

Соңгы тәүлектә матбугатта яңгыраган фикерләр бер: Ефремов җинаятенә күрә җәзасын да алырга тиеш. Бу инде аның актерлык эшенә нокта кую да булачак... 
Һәм барысына да аракы гаепле. 
Иҗат кешеләре арасында аракы аркасында юкка чыгучылар аз түгел. Күпме рольләр уйналмый, күпме фильмнар төшерелми калган...
Шундый язмышка дучар булган (дөресрәге, үзләрен шундый аянычлы язмышка дучар иткән) кайбер актерларны искә төшерәбез. 

Владислав Галкин 
2010 елны Владислав Галкинның үлеме бөтен илне тетрәндерде. Аңа бит әле нибары 38 яшь иде! Без аны беренче чиратта «Дальнобойщики», «Диверсант» сериаллары аша беләбез. Ә аның мондый рольләре байтак иде. 
Табиблар аңа «хронический панкреатит» дигән диагноз куя. Исерткеч эчемлекләр белән артык мавыгу аркасында килеп чыккан чир... Кинәт килгән үлеменең сәбәбе башка булса да, мәетне ярганнан соң табиблар, моңа китергән төп сәбәп – алкоголь күп куллану аркасында организмның таушалуы, диләр. 


Дмитрий Марьянов 
«Выше радуги» дигән балалар фильмында Алик Радуга ролен башкарганнан соң, Дмитрий Марьянов бөтен Советлар Союзына таныла. Аннан соң уйнаган рольләре «яңа йолдыз кабынды» дигән сүзләрнең хак булуын раслый. Борис Щукин исемендәге театр институтын тәмамлаганнан соң, ул театрларда бик күп уйный, кинода төшә. 
Кызганыч, эчә башлый. Башын югалтып... Шактый гына дәвалана да, әмма 2017 елда «Феникс» реабилитация үзәгендә ятканда вафат була.

 
Андрей Панин 
Россия кинематографиясенең иң күренекле актерларының берсе. Кинода 75 тән артык рольдә уйнады, режиссер буларак та танылды. Аның мәетен 2013 елда Мәскәүдәге фатирында табалар. Артист, егылып, башын ярган – үлемгә шул сәбәп булган. 
Панинның канында бик күп күләмдә алкоголь табалар, күршеләре дә фаҗига алдыннан аның берничә көн туктамыйча эчүе турында әйтәләр. Җинаять эше ачылса да, бер елдан аны ябалар. Әмма Андрейның туганнары, әлегәчә аны үтергәннәр, дип әйтәләр. 


Олег Даль 
Олег Даль япь-яшь килеш – 39 яшендә үк вафат була. Актер туктый алмый эчкән, шуның аркасында аны хәтта МХАТтан да куып чыгаралар. Танышлары һәм сәхнәдәшләре соңгы айларда Олегның кыяфәте бик начар булуы, нык таушалуы турында әйтәләр. 
Актер үзенең спиртлы эчемлекләр белән артык мавыгуын, әлбәттә, аңлый. Бу начар гадәте белән көрәшергә тырышып та карый, әмма эчүдән ахыргача барыбер туктый алмый. Олег Даль 1981 елның 3 мартында Киевка иҗади командировкага баргач, кунакханәдә вафат була. Үлеменең төп сәбәбе – аракы эчү аркасында килеп чыккан йөрәк өянәге. Капсула «тектергәннән» соң аңа эчәргә бөтенләй ярамый торган була. 


Николай Еременко 
«XX гасырның атаклы пираты» Николай Еременко инсульттан вафат була. Бу исә «запой»га китеп, туктый алмый эчү аркасында килеп чыккан, диләр табиблар. Актер һәрвакыт киеренкелек халәтендә яши, моңардан бары тик алкоголь ярдәмендә генә котылырга гадәтләнә. 
Ул вафат булган мизгелләрдә янында хатыны Людмила да була, әмма ул иренең хәле авыраюын белми, аңламый да: соңгы вакыт гел эчеп, айный алмыйча егылып ятуына ияләшкән була инде ул аның. Шуңа игътибар да итми. 
Артистның дуслары аның авыр хәлдә икәнен күреп, ярдәм итәргә алынганда инде соң була... Николай больницада вафат була. Бу вакыт аңа нибары 52 яшь була. 


Георгий Бурков 
Искиткеч талантлы актер Георгий Бурков илле җиденче яшендә вафат була. Тромб... Мәетен ярганда табиблар: «Организмын алкоголь белән бу кадәр эштән чыгарып ул моңарчы ничек яши алган?» – дип шаккаталар. 
«Эчкечеләрнең тормышы – хайваннарныкына бик якын, – дип яза ул үзенең китабында. – Иртүк уянуга алар баш төзәтергә нидер эзләргә керешәләр. Тамак төбен чылатып куйгач, очсыз-кырыйсыз әңгәмәләр башлана: аларның кайсылары рәхәт сөйләшүләр, кайсыберләре бигүк рәхәт тә түгел. Әмма берсе дә чын да түгел... Кеше тормышы кичергән булып уйнау: чын кешенеке кебек проблемалар, борчулар, шатлыклар белән. Ә аннан тагын эзләнү башлана. Эчәргә, эчәргә! Көне буе шулай...» 


Андрей Краско 
Андрей Краско 2006 елда «Ликвидация» фильмын төшергән вакытта вафат була. Нибары 48 яшьтә... Үлемнең сәбәбе – инсульт. Актер тормышта булган стрессларны да, аруын да һәрвакыт алкоголь белән юган. Аракы, аның болай да булмаган исәнлеген, әлбәттә, тагын да бетергән. 
Артист кечкенәдән авыру бала булып үсә. Ул бәләкәй чакта әнисенә хәтта шуның өчен эштән дә китәргә туры килә.
Шуңа да карамастан, үсеп җиткәч, Краско үзенең сәламәтлеген бер дә сакламый. Эчә, тарта. Ашказаны, йөрәге белән шактый зур проблемалары булган килеш. Астма чире белән җафаланган килеш. Бер интервьюсында ул: «Мин ике генә эчемлек яратам: чәй һәм аракы. Алардан баш тартырга җыенмыйм», – ди. 
Кызганыч, карьерасы иң күтәрелеп киткән вакытта шушы начар гадәтләре Андрейның гомерен чикли.

 
 Олег Ефремов
Олег Ефремов 72 яшендә китеп барды... Бу кадәр эчмәсә, яшәгән булыр иде әле ул... Эчүнең яхшыга алып бармавын, аның белән көрәшергә кирәген ул, әлбәттә, аңлаган. МХАТны җитәкләгәндә, үзе эчү белән мавыкса да, эчкән килеш сәнгать йортына актерларга керергә рөхсәт итмәгән. 
Моның өстенә ул әле бик күп тарткан да. Эчкечелек аркасында сәламәтлеге бик нык какшый аның: актер сукырая башлый, йөрәге бирешә. Аннан тромбоз аркасында аягын кисәләр. Соңгы елларын ул махсус аппаратка тоташкан килеш үткәрә: үпкәсе үзләре сулый алмый. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7343
    1
    65
  • 7134
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5004
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7159
    1
    49
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»