Чулпан Төхбәтуллина: “Беренче күрешүдә үк уртак тел таптык”

Автор: Зилә МӨБӘРӘКШИНА
Фото: Чулпан ТӨХБӘТУЛЛИНА
Күптән түгел Элвин Грейның “Роза” җырына өр-яңа клип дөнья күрде. Төп героиняны уйнаучы матур кызны күбесе кем икәнен белергә теләгәндер, мөгаен. “Роза” Элвин Грей белән ничек танышканын, Элвинга белән булган мөнәсәбәтен, гади тормышта нәрсә белән шөгыльләнгәнен “Татар-информ” хәбәрчесенә сөйләде.

– Чулпан, Элвин Грей белән ничек таныштың?

– Радикның иҗаты белән мин таныш идем. Аның сольный концертларына йөргәнем бар. Бию – ул минем хобби. Мин күп кенә татар эстрадасы җырчыларының концертларында биим, ләкин Радикны концертларда күргәнем булуга карамастан, аның белән якыннан аралашканым булмады. Радик белән мин клипны төшергән көннәрдә генә таныштым. Клипка мине безнең уртак танышыбыз чакырды. Съемкалар бик җайлы узды, чөнки Радик үзе яхшы, җиңел кеше булып чыкты.

      

      

–Клипны төшерү вакыты ничек узды? Клипны якыннарың ошаттымы?

– Гомумән, төшерү процессы бик күңелле узды. Мине беренче күрүләре булса да, Радикның командасы бик җылы кабул итте. Нәтиҗәдә, шул “җылы” команданың миңа тәэсире булмый калмады. Сюжет белән мине шул көнне генә таныштырдылар. Алдан әзерлегем юк иде. Бәлки, шуның өчен дә клип уңышлы чыккандыр дип уйлыйм. Клипны минем белән барлыгы ике көн төшерделәр. Калган көннәрдә инде үзләре эш итте. Клипның премьерасы чыгуга ук миңа хатлар “ява башлады”: танышларым, дусларым һәм бөтенләй белмәгән кешеләр смслар язды, әле хәзер дә язалар. Фикерләрнең төрлесе бар инде, ләкин, шунысы шатландыра – күбесе ихлас теләктә кала бирә.

      

– Элвин Грей кулыңны сорадымы?

– Бу сорауга җавап бирмичә торыйм әле. Сер булып калсын, чөнки күп кенә кызларның өметләрен өзүем бар, ә өметсез яшәве бик читен.

– Радик турында сөйлә әле. Нинди ул? Тагын күрешергә уйлыйсызмы?

– Радик, сәхнәдәге кебек, бик ачык, яхшы кеше, минем белән дә шундый җылы мөнәсәбәттә булды ул. Без беренче күрешүдән үк уртак тел таптык. Аның белән хәзер дә аралашабыз. Тиздән Радикның 25 ноябрь көнне Спорт сараенда “Элвин Грей 3D шоу” дип исемләнгән концерты була, шунда барырга ниятлим.

      

– Радик үзенең концертларына сине биюче булып алам димәдеме?

– Юк, әлегә бу темага сөйләшкәнебез булмады. Кем белә, бәлки чакырыр да.

– Чулпан, бию белән кайчаннан мавыга башладың? Җырчыларның концертларына биюче булып ничек барып эләктең?

– Бүгенге көндә мин Зилә Садыкова җитәкчелегендәге “Казан кичләре” бию төркемендә чыгыш ясыйм. Беренче сыйныфта белем алганда ук Химиклар мәдәният сараендагы бию түгәрәгенә йөреп карарга булдым һәм... хәзергә кадәр биюдән аерыла алмыйм. 11 ел буе биеп йөрдем. Аннан соң, университетка укырга кергәч, “Индиго” бию төркеменә дә кушылдым, хәзер икенче ел шунда биим. Ә концертларга килгәндә, мин беренче тапкыр Ринат Рахматуллин иҗат төркеме белән 13 яшьтә гастрольгә чыктым. Анда очраклы рәвештә эләктем, бер биючене алмаштырып кына торган идем. Программаны кыска вакыт эчендә өйрәндем дә, Ульяновск шәһәренә юл тоттык. Һәм барысы да шуннан башланып китте.

      

– Чулпан, киләчәктә дә биергә теләгең бармы?

– Мин биюдән башка яши алмыйм, ул минем яраткан шөгылем! Алдагы көннәрдә дә биергә исәбем бар, әлегә ул юнәлештән китәсем килми.

      

Теги: Elvin Grey

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2457
    28
    242
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6311
    2
    93
Реклама
Соңгы комментарийлар
  • 22 октябрь 2021 - 17:51
    Без имени
    Сезгэ айлык ашарга, тулэугэ булышырга гына кирэк. Акчагызны снимать итмэгез. 1 ай шулай итеп карагыз. Тавыш чыгарса аерым торырга китэ без диегез. Бигерэк кайнанага ярыйм диеп узегезне онытасыз. Яшьлэр бит эле.
    Хезмәт хакын кайнанама бирергә тиешме без, юкмы?
  • 22 октябрь 2021 - 16:00
    Без имени
    Минем яшь вакытта кияугэ чкеач шундый ук хэл булды,акча кирэк булган саен кул сузып баш иеп ,узен эшлэп алган акчаны сорап уземне кимсетэ идем,э кайнана квзынын балаларына кием салым жыя иде,минем ирем тиз генэ бу хэлне узгерттэ ,без аерым башка тора башладык,э мин кайнана очен враг номер 1 булып калдым,алла бабай судья
    Хезмәт хакын кайнанама бирергә тиешме без, юкмы?
  • 22 октябрь 2021 - 11:16
    Без имени
    Талашып нервыларын, ны бетермэ.бераз узен, дэ калдыра бир акчан, ны. Бэлки сезнен, очен сезнен, килэчэк очен ж,ыядыр эниегез. Туз, кот, сабыр бул. Сынау бу. Аллаhы Тэгалэ белуче, хэерле гэ булсын.
    Хезмәт хакын кайнанама бирергә тиешме без, юкмы?
  • 22 октябрь 2021 - 07:13
    Без имени
    Әниләрнең 5нче майда бер хатынның буранда адашып үлгәне хакында сөйләгәннәрен хәтерлим.
    Язмышның салкын кары
  • 22 октябрь 2021 - 19:39
    Без имени
    Купме кешенен тормышын жимерде сугыш.
    «Яратудан туган бала түгел мин...»
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан