​Без белмәгән Зәйнәб Фәрхетдинова яки аның турында 10 факт

Зәйнәб Фәрхетдинова – перфекционист. «Бөтен нәрсәдә симметрия булганын яратам. Өйдәге пәрдәләрне тигезләп мәш киләм. Кайчак, илһамым килә дә, пыр тузып өй җыештыра башлыйм. Миңа һәр нәрсә үз урынында һәм тип-тигез булып ятып торсын». 

 

Стресстан котылу юлын белә.  «Күңелем төшкән чакларда ялгызыма гына тынычлыкта калырга кирәк. Гомумән, гомерем буе тынычлык яраттым. Стресска китерә торган нәрсәләр тормышта бик күп. Мин исә стресслардан котылуның бик шәп юлын беләм: аның өчен озаклап җәяү йөрергә кирәк. Без Горький паркы янәшәсендә генә яшибез. Кыш көне чаңгы белән чыгып китеп,  12шәр чакрым йөреп кайтабыз». 

 

Мактаганны яратмый. «Тәнкыйтьнең дә, мактауның да чамасы булырга тиеш. Тәнкыйть ишетсәм, маңгайга чүкеч белән суккан кебек була. Артык күп мактасалар да, ышандырмый, хәтта ачу килә. Алдыңа, артыңа төшеп мактый башласалар, моңа миннән ни кирәк икән, дип уйлый башлыйсың». 

 

Зәйнәб Фәрхетдинова – йомшак әни. «Гастрольләрдән кайтып кермәдек. Әллә нигә бер күргәндә, баланы иркәлисең шул инде. Ләкин таләпчәнлек кирәк икән ул. Ярый әле әтиләре бераз катырак булды. Кайчак мин дә ачуланам, ләкин малайларны бик ачуланып та булмый. Алар икесе дә инглиз телен өйрәнде. Берсе – 39нчы мәктәпне, икенчесе 18нчесен тәмамлады». 

 

Гаилә корганда расчет булырга тиеш дип саный. «Кечкенәсе беркөнне фото күрсәтә. Яшь чибәр кызның фотосы. «Ошыймы?» – ди. «Татар кызымы соң?» – беренче соравым шундый иде. «Татар кызы, әни, татар кызы. Мин бит сиңа ошыймы, дип кенә сорыйм», – ди. Минем белән киңәшләшүе икән шулай. «Башыгызны югалтып, гашыйк булмагыз», – дим аларга. Гаилә корганда бераз расчеты да кирәк. Ашыкмаска кушам». 

 

Фермада сыер савучы булып эшләгән. «Элек мәктәпне тәмамлагач, класс белән колхозда калу гадәте бар иде бит. Без дә классыбыз белән авылда калырга планлаштырдык. Малайлар – механизатор, кызлар – сыер савучы. Бер ел фермада сыер саудым. Группамда 25 сыер иде. Еш кына ут бетә, генератор да эшләмәгән чакка туры килсә, кул белән савасың. 25 сыерны кул белән савып, беләкләремә көч килеп калган иде». 

 

Тегү цехы ачарга хыяллана. «10 класста безне тегүчелеккә укыттылар. Тегәргә яратам. Тегәргә дә, чигәргә дә. Әле менә тегү машинкамны каратып куйдым. Кайчак тегү сагындыра. Хәтта үз мастерскоемны ачу хыялым да бар. Анысы, Алла боерса, киләчәктә булыр инде». 

 

Җырчы булмаса, Зәйнәб ханым табиб булыр иде. «Мин табиб булырга хыялланып үстем. Рус теленнән безне Роза Фатыйховна укытты. Ул әнигә гел әйтә иде:  «Зәйнәбне фәкать культура өлкәсенә генә җибәр». Әмма мин мәктәпне тәмамлагач та документларымны медицина институтына бирдем. Ләкин докуметлар тапшыру вакытының иң соңгы көнендә укытучымның әйткәне җиңде: аттестатымны алып, мәдәният институтына йөгердем». 

 

Беренче гастролен бүгенгедәй хәтерли. «Чаллыга килеп төштек. Безне Ринат Габдрахманов каршы алды. Кыш көне бу, 1992нче ел. Телефоннар заманы әле кермәгән. «Билетлар сатыламы?» – дип борчылабыз. Концертыбыз Сара Садыйкова исемендәге концерт залында узасы. Пәрдә читен генә ачып, залга карыйм. Шыгрым тулы. Бер көнгә дип килгән җирдән, 28 көн тоташтан концерт куйдык Чаллы якларында». 

 

Милли кухнябыз белән бергә көнчыгышныкы да үз итә. «Миңа студент вакытымда эшче вьетнамлылар белән бер тулай торакта яшәргә туры килде. Шунда беренче тапкыр кыяр кыздырганнарын күрдем. Тозлы балык кыздыралар иде. Аның исе! Ә тәме тәмле үзенең. Хәзер дә шул як халыкларының аш-суларын яратам. Том Ян ашын еш әзерлим». 

 

Зәйнәп Фәрхетдиновадан атаклы Том Ям ашы рецепты: 

Иң элек елга балыгыннан озаклап шулпа кайнатам. Аны сөзәм. Аерым табада суган кыздырам, томат пастасы һәм дөге оны кушам. Соңыннан сарымсак өстим. Шуларны шулпага бушатам, барысын да кайнатып чыгарам, аннары кылчыксыз кызыл балык һәм аерым савытта пешергән креветкалар салам. Иң ахырдан гына кокос сөте кушам. Бик тәмле була. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 17 август 2020 - 18:52
    Без имени
    Артист булмаса hичшиксез яхшы балалар табибы булыр иде Зэйнэп апабыз😚
  • 26 гыйнвар 2022 - 02:38
    Без имени
    Картиналарыгызны кайда курергэ булыр икэн.
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    7474
    1
    71
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8572
    2
    62
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5705
    3
    55
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4225
    0
    47
Реклама
Соңгы комментарийлар
  • 24 гыйнвар 2022 - 09:59
    Без имени
    Эйе, балалар бер дэ дорес эшлэмилэр, акыллы ир булса, яратсан, бер нигэ дэ карамыйча кушылыгыз. Килешерлэр тора-бара, минем бер танышым 70яшендэ чыкты бер бабайка, бик матур, тату яшилэр, соенеп бетэлми, балалары да йорешэлэр, ризалаштылар.
    Кызларым каршы булса да, кияүгә чыгаргамы?
  • 24 гыйнвар 2022 - 09:31
    Без имени
    Исэнмесез,тормыштан алынган эсэр ,куп мени шундый вакыйгалар. Рэхмэт сезгэ ,ошады
    Колынлы бия
  • 24 гыйнвар 2022 - 12:09
    Без имени
    Андый белемнәрне гаиләдә, мәктәптә бирү яхшы булыр иде!
    Акыллы хатын – хәзинә
  • 24 гыйнвар 2022 - 20:35
    Без имени
    Без сонгы поколение эти- энине дэ,балаларны да рэнжетудэн куркучылар. Балалар хэзер эгоистлар аларны тынларга тугел,узенэ ничек унайлы ,ничек рэхэт шулай яшэргэ вакыт житкэн. Хэзер бары тик узегез турында гына уйлагыз.
    Кызларым каршы булса да, кияүгә чыгаргамы?
  • 24 гыйнвар 2022 - 21:29
    Без имени
    Шулай шул, яндагы бәхетнең күпләр кадерен белми. Не было бы счастья, да помогло несчастье подружек)
    Яратып кочаклау
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда