“Үзгәреш җиле” татар җырының үзен түгел, ә юнәлешен үзгәртә

Татарстан Республикасы Министрлар Кабинетында һәр сишәмбедә уза торган традицион брифингларның бүгенгесе “Үзгәреш җиле” проектына багышланган иде. Фестивальне оештыручылар аның әзерлек дәрәҗәсе, алга куелган максатлары һәм алдагы көнгә планнары турында сөйләделәр. Брифингта Татарстан Республикасы Президенты ярдәмчесе Ләйлә Фазлыева, Татарстан Республикасы Мәдәният министрының беренче урынбасары Эльвира Камалова, М.Җәлил исемендәге опера һәм балет театры директоры, “Үзгәреш җиле”нең генераль продюсеры Рәүфәл Мөхәммәтҗанов, фестивальнең музыкаль җитәкчесе Вадим Эйленкриг, музыкант, танылган баянчы Айдар Гайнуллин катнашты.

Рәүфәл Мөхәммәтҗанов әлеге проектның Президент йөкләмәсе булуын билгеләп узды, әлеге фестивальнең алшартларын барлады, татар җыры сыйфатлы итеп яңгырату мөмкинлекләре турында сөйләде. “Әйтик, “Голос” проектының максаты талантлы башкаручыларны табу булса, без игътибарны татар җырының үзенә юнәлттек, бүгенге сәнгать тенденцияләреннән чыгып музыкаль эстетикага тәэсир итәсебез килә, - дип фестивальнең асыл максатын аңлатып китте ул. – Юлыбызның өчтән ике өлеше үтелде инде”.

Бүгенге популяр музыка торышын күзаллаганда Рәүфәл Мөхәммәтҗанов фольклор һәм шоу-бизнес төшенчәләрен аерып карарга кирәклеген билгеләп үтте. «Бездә нигездә фольклор очрый. Фольклорда теләгәнчә җырларга ярый. Шоу-бизнесның билгеле бер критерийлары бар. Без татар җыры дөнья югарылыгында яңгырасын өчен дөньякүләм танылган белгечләрне чакырдык. Мәсәлән, җырчы үз индивидуальлеген музыка аша күрсәтеп җыр башкара. Аннары бу язмалар аранжировкалаучыга күчә, ул җырга яңа сулыш өрә, җырчы белән педагоглар эшли. Без эш барышында җырның характерын үзгәртмәдек. Проектның асылында сәнгати югарылык ята”, - диде ул.

Фестивальнең музыкаль җитәкчесе Вадим Эйленкриг симфоджаз оркестрның профессиональ дәрәҗәсенә сокланды. Ул концерт белән генә эш бетмичә, студиядә илледән артык композиция яздырылачагын да хәбәр итте. “Аларны “Мосфильм” студиясендә яздыру мөмкинлеге турында сүз бара. Бу эшне аудиоязмалары өчен өч тапкыр “Грэмми” премиясе алган кеше башкарып чыгачак, - диде Вадим Эйленкриг. - Таксида кайчакта сыйфатсыз поп-музыка тыңлап барырга туры килә. Ә нигә әле яхшы сыйфатлы татар музыкасы тыңламаска?! Бу язмаларны спектакльләрдә, телевизион программаларда кулланып булачак”.

Һәрхәлдә, бу фестиваль бер концерт белән генә нәрсәдер үзгәртеп буламыни дигән сорауларның урынсызлыгын раслап, ә бит татар җырын менә болай да яңгыратып була дип күрсәтәчәк.

Вадим Эйленкриг «Yзгәреш җиле»нең джаз белән эшкәртелгән татар җыры түгеллеген тагын бер кат искәртеп үтте. “Без бөтен жанрларны кулланырга тырыштык — татар җыры рок-баллада булып та, чын мәгънәсендәге поп-музыка булып та яңгыраячак, мюзикл чалымнары да табачаксыз, латиноамерика мотивлары да ишетерсез, этно да, хәтта психоделика да – бу сүз сезне куркытмасын – ишетерсез. Татар җыры бөтен жанрлар аша үтте”.

Оештыручылар проектның репертуарын сайлауда Татар дәүләт җыр һәм бию ансамбле хормейстеры Венера Гәрәева, “Ля-примавера” оркестрының сәнгать җитәкчесе Абязов, Татарстанның халык шагыйре Ренат Харис, Татарстанның халык артисты Венера Ганиеваларның өлеше зур дип билгеләп үттеләр.

4 һәм 6 ноябрьдә Муса Җәлил исемендәге опера һәм балет театры сәхнәсендә булачак грандиоз тамашага билетләр сатылып беткән.

Фестиваль сәхнәсендә чыгыш ясаячак 24 җырчы арасында Алинә Шәрипҗанова, Марсель Вагыйзов, Раяз Фасыйхов, Айдар Сөләйманов, Ильвина, Артур Исламов, Илүсә Хуҗина кебек татар тамашачысына яхшы таныш җырчылар белән бергә, яңа башкаручылар да ачылачак. Алар арасында – Юлия Гарифуллина (тумышы белән Пермь краеннан), Язилә Мөхәммәтова (Чаллыда туган, Мәскәүдә укый), Әлфия Нигъмәтуллина (Ханты-мансы автономияле округыннан, Мәскәүдә яши), Румия Ниязова (Казахстан, Җамбул) һ.б. бар.

Айдар Гайнуллин – фестивальнең җаны. Татар моңын дөнья киңлегендә яңгырата алган гаҗәеп музыкант. Бүгенге матбугат конференциясендә катнашып, ул татар җырын читтә белмәүләрен, ләкин тамашачының аны кабул итәргә әзерлеге турында сөйләде.

чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1566
    22
    189
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5191
    2
    71
Реклама
Соңгы комментарийлар
  • 14 октябрь 2021 - 20:56
    Без имени
    Бик куркэм, эчтэлекле язма. Анда эйтелгэнчэ бэхет сезнен бн янэшэ йорсен.
    Оясында ни күрсә...
  • 14 октябрь 2021 - 20:30
    Без имени
    Бик матур унган, булган, топле гаилэ. Килэсе коннэре гез аяз, тыныч бэхет э утсен. Шундый язмалар килэчэк тэ дэ туып торсын.
    Оясында ни күрсә...
  • 15 октябрь 2021 - 08:28
    Без имени
    дус кызларны иялэштерергэ кирэкми икэн ул.
    Нигә мине чүпрәк итәләр?!.
  • 14 октябрь 2021 - 23:07
    Без имени
    "бала өчен дип" үзегезнең ахмаклыгызны гына бала бәхетеннән (һәм үзегезнең бәхетегездән дә) алда куймагыз. балага кирәк әти. балага кирәкми әтигә охшаган хәйван.
    Мәхәббәттән нәфрәткә бер адым икән
  • 14 октябрь 2021 - 22:31
    Без имени
    Огромное спасибо за информацию. Крурсы валют
    Бәхетле очрак-2
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан