Законнар үзгәрә: берәүләрне яклыйлар, икенчеләрне куркыталар

Россия парламентының язгы сессиясендә 130 якын өстенлекле закон проектын карау ниятләнә. Иң актуаль мәсьәләләргә багышланган инициативаларның кайберләре инде закон статусын алган, 43 закон проекты депутатлар тарафыннан беренче укылышта хупланган.

130 закон проектының 94е “Бердәм Россия” партиясе тарафыннан тәкъдим ителгән. Халык мәнфәгатьләрен яклаучылар тормышыбызның төрле тармакларына бәйле проблемаларны күтәрә. Дәүләт төзелеше - 40, икътисад - 33, социаль сәясәт -14, оборона белән бәйле 11 проект каралырга тиеш, дип хәбәр итте Россия Дәүләт Думасы депутаты Илдар Гыйльметдинов.

Илдар Гыйльметдинов язгы сессиядә каралган иң кызыклы закон проектлары турында сөйләп китте. Әйтик, Җинаять кодексына төзәтмәләр кертелергә мөмкин. Бу инициатива зур кызыксыну уята, чөнки төзәтмәләр Җинаять кануны либерализациясен күздә тота. Депутат ассызыклап киткәнчә, Россия Президенты кушуы буенча, җитди булмаган җинаятьләр өчен катгый чаралар күрүдән баш тарту ихтыяҗы туган. Кайбер очракта кыек юлга баскан кешене төрмәгә озатмыйча, аңа карата башка чаралар да куллану мөмкин дип санала. Әйтик, җинаять җәзасы штрафка алмаштырылырга мөмкин. Сүз, беренче чиратта, алименттан качып йөрүчеләр, штрафларын капламаучылар, аз күләмдә акча урлаучылар, сугышучылар турында бара.

Шул ук вакытта администатив чараларны катгыйлатырга җыеналар. Илдар Гыйльметдинов сүзләренчә, яңа административ кодекс үз гамәлләре белән кешеләр сәламәтлегенә зыян салучыларны катгый җаваплылыкка тартуны үз эченә алачак. Әйтик, контрафакт алкоголь ел да күпме кешенең гомерен өзә. Ә бу законсыз эшчәнлек белән шөгыльләнүчеләргә штраф 5 мең сум тәшкил итә. Депутатлар штраф күләмен бермә-бер күтәрмәкче булалар. Шулай ук финанс пирамидалары белән бәйле проблемаларны булдырмауга да көч куела. Бөтен булган акчасын мондый оешмаларга илтеп тапшыручылар бер тиенсез утырып кала бит. Шуңа да гражданнарны зур суммалардан коры калдыручыларга бик зур штрафлар һәм җинаять җаваплылыгын кулланырга ниятлиләр.

Шулай ук өлешләп төзүчеләр белән бәйле проблемаларны хәл итү аеруча мөһим төс алды. Законнарның камил булмавы күп кенә халыкны тораксыз калдырды. Шуңа да быел кимчелекләрне юк итү өчен өлешләп төзү белән шөгыльләнүче төзелеш тармагы вәкилләренә таләпләр катгыйланачак. Закон проекты февраль ахырында беренче укылышта кабул ителгән инде. Илдар Гыйльметдинов сүзләренчә, төзелеш оешмасы, финанс гарантияләрен тәэмин итәр өчен, билгеле бер минималь шәхси капиталга ия булырга тиеш. 2016 елның 1 июленнән Россия Төзелеш һәм ТКХ министрлыгы өлешләп төзелеш алып баручы барлык компанияләрнең бердәм реестрын төзиячәк. Гражданнардан җыелган акча социаль объектлар төзелешендә кулланылырга мөмкин, әмма йорт территориясе чикләреннән чыккан башка объектлар төзелешенә тотуны тыю ягын карыйлар.

- 30 көн дәвамында, ягъни март ахырына кадәр төзәтмәләр кабул ителәчәк. Бу законга катнашы булган бөтен яклар үз фикерен белдерергә тиеш. Һәм инде апрельдә закон проектын тулысынча кабул итәрбез дип ышанам. Бу юнәлештә бездән бик җитди карарлар көтелә. Закон проектын кабул итүне озакка сузу берәүгә дә файдага түгел, - дип белдерде Илдар Гыйльметдинов.

Безнең өчен мөһим проектлар рәтенә махсус икътисади зоналар турындагы яңа закон кертелде. Татарстанда “Алабуга”, “Иннополис” кебек зоналар үсеш ала. Татарстан шуңа да бу проектны эшләүдә актив катнаша. Илдар Гыйльметдинов билгеләп узганча, бу территорияләрдә логистик эшчәнлек булдыру рөхсәт ителергә, аларның мәйданын 40 километр белән чикләүне юк итәргә кирәк. Федераль икътисади зоналар гына түгел, төбәккә караганнарын да булдыру рөхсәт ителергә мөмкин. Моның өчен бөтен таләпләр билгеләнә. Гомумән, икътисадны җанландыру максатыннан әзерләнгән тәкъдимнәр шактый күп, ди депутат.

Субъектлар кече һәм урта бизнесны салымнардан азат итә ала дигән закон проекты кабул ителгән. Бушлай приватизация тагын бер елга озайтыла. Туризм тармагын җайга салу юнәлешендә дә карарлар кабул ителә. Әйтик, турфирмалар банкротлыкка чыккан очракта, чит илдә калган гражданнарны яклау максатыннан, резерв фонды булдырырга ниятлиләр. Ул-бу була калса дип, турфирмалар ай саен билгеле бер күләмдә акча күчереп барырга тиеш булачак. Мәдәният турындагы закон исә ташландык хәлдәге мәдәни объектларны торгызуга алынган бизнес вәкилләренә өстенлекләр бирә. Әйтик, бина сатылган яки арендага бирелгән очракта, бу бинаны төзекләндергән кешегә беренчелек каралган. Шул ук вакытта бина сатылганда, аның бәясе эшмәкәр өчен бу объектны төзекләндерүгә тотылган суммага киметеләчәк, дип сөйләде Илдар Гыйльметдинов.

сылтама: http://intertat.ru

Гөлнур Сафиуллинаның Илдар ГЫЙЛЬМЕТДИНОВ турындагы язмасы белән биредә таныша аласыз -  Тәвәккәлдә – тау көче.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4465
    10
    114
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13015
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2756
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11093
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13600
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда