27 майдан алып 30 майга кадәр «Казан ярминкәсе» күргәзмәләр залында 8 нче махсуслашкан «Балачак иле. Казан» күргәзмәсе уза.
Казан халкы һәм башкалабыз кунакларының яраткан гаилә бәйрәменә әверелде инде ул.
27 май көнне тантаналы шартларда берничә гаиләгә Ана капиталы тапшырылды. Ана капиталы белән бергә Гыйниятуллина Нурсинә, Хәбибуллина Лилия, Әхмәтшина Гөлнара, Мәгыйзова Җәмилә, Скокова Фәридә, Конова Алина, Шәвәлиева Диләрә, Баһаветдинова Анна, Нигъмәтуллина Виталина, Заһидуллина Алияләр «Сөембикә» журналына подписка белән дә бүләкләнде.
Шул ук көнне Министрлар Кабинеты каршында эшләүче ЗАГС идарәсе коллегиясе утырышы да булып узды. Көн тәртибендә: «Татарстан Республикасында гражданлык хәле актларын теркәү эшен камилләштерү: 2015 елның дүрт аена йомгак ясау, максат һәм бурычлар» темасы торды.
Күргәзмәгә килүчеләр ЗАГС идарәсендә эшләүче белгечләрдән гражданлык хәле актларын теркәү буенча үзләрен кызыксындырган сорауларга җавап та таптылар.
Июнь ахырында Гаилә, мәхәббәт һәм тугрылык көнен уздыруга әзерлек эшләре башланачак. Бу бәйрәм 8 июльдә узачак. Безнең «Сөембикә» журналы ул бәйрәмне оештыручыларның берсе. Ул күңелле чаралар, фестиваль, конкурслар шәлкеме белән узачак. Гаилә көнен уздыруның максаты – гаиләне, балаларны, саф мәхәббәт һәм тугрылыкны алгы сафка чыгару, кешелек өчен мөһим нәрсәләр икәнен ассызыклау. ЗАГС идарәсе җашка хезмәтләр белән бергәлектә гаилә институтын ныгыту өчен тырыша, гаиләләрнең ныклыгын кайгырта, гаиләдәге тормышны уңайлырак итү өчен көч куя. Шунсыз булмый да, чынки Гаилә институты – Россия җәмгыятенең нигезен тәшкил итүче.
Следите за самым важным и интересным в Telegram-каналеТатмедиа
Комментарий юк