Юлдагы хәлләр

Быелның дүрт аенда гына да Татарстанда 1109 юл һәлакәте булып, 74 кешенең гомере өзелгән, 1403 кеше имгәнгән. Узган еллар белән чагыштырганда һәм Россинең башка төбәкләренә караганда бу саннар күпкә ким булса да, һәр өзелгән гомернең фаҗига булуын да онытмыйк. Ил буенча исә гомуми статистика болайрак: Россиядә шушы дүрт айда 42602 юл һәлакәте булган, 4 мең кеше үлгән, 54847 кеше имгәнгән.

Юлда төрле тәртип бозуларны киметүдә «Халык контроле» хезмәтенең дә өлеше бар. Бүген һәркем автомобиль катнашындагы 17 төрле тәртип бозуны видеога яки фотога төшереп, мондый хәлләрне киметә ала. Туктап торуны тыючы билге астында яки инвалидлар өчен тәгаенләнгән урыннарда, тротуарларда туктаучыларны, светофорның кызыл утына чыгучыларны, сул якка борылу тыелган чатларда сулга борылучыларны, җәяүлеләрне уздырмаучыларны, стоп-линияне узып туктаучыларны, автобус полосасыннан йөрүчеләрне, каршы як полосадан баручыларны, юл читеннән узучыларны, рульдә килеш телефоннан сөйләшүчеләрне, машинада барганда куркынычсызлык каешын эләктермәүчеләрне, машинасын икенче рәттә туктатучыларны, автомобиль белән тротуардан йөрүчеләрне күрсәгез, «Халык контроле» хезмәтенә шалтырата аласыз.

Җәйге каникуллар чоры җитә, балалар көнозын урамда, сәпидтә... Бу чорда балаларны таптату куркынычлары, алар катнашындагы аварияләр саны арта. Шушы елның соңгы аенда гына да балалар катнашындагы 131 юл һәлакәте булып, 3 сабыйның гомере өзелгән, 140 бала имгәнгән.

Татарстан Республикасының Эчке эшләр министрлыгы ЮХИДИ идарәсе җитәкчесе Ленар Габдрахманов әйтүенчә, юл һаләкәтләренең яңа категориясе – машина йөртү тәҗрибәсе ике ел да булмаган кешеләр катнашында килеп чыккан аварияләр саны да арта. Быел шундый 90 авария булып, 9 кешенең гомере өзелгән.

Шулай ук машина йөртүчеләрне Татарстан юлларында нинди яңалыклар көтә дигән сорауга, Ленар Ринатович әйтүенчә, федераль трассаларда 4 урынга тоталь контроль системасы куелачак. Болар: Казан-Малмыж юлы (Арча юнәлеше), Чаллы-Зәй-Әлмәт трассасы, Казан-Шәмәрдән (Саба юнәлеше), Чистай-Түбән Кама юллары. Ә Мәскәүдә кертелгән сары вафли тамгасы әлегә Казанда кертелмәячәк, дип белдерде ул. Шулай ук юллардагы билгеләргә дә мониторинг ясалачак: тиешсез куелган билгеләр алыначак. Мәсәлән, быел тугыз урыннан тизлекне чикли торган «40» тамгасы алынган.

Шулай ук 1 апрельдән машиналарның алгы тәрәзәләрен караңгылату белән шөгыльләнүче оешмаларны (ГОСТ таләпләренә туры килми торган итеп караңгылату турында сүз бара) ачыклау эше дә башланган.

Юлларда елдан-ел машиналар күбәя, шуның белән бергә игътибарлылык, саклык та торган саен күбрәк сорала. Сак булыйк, игътибарлы булыйк, юл кагыйдәләрен төгәл үтәргә тырышыйк.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8379
    1
    107
  • 8844
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9811
    1
    55
Реклама
Соңгы комментарийлар
  • 30 сентябрь 2020 - 09:42
    Без имени
    Шамсия ярата белмэгэн,анламыйда яратунын ничек булганын.
    Парлы ялгызлар
  • 30 сентябрь 2020 - 15:34
    Без имени
    Аңлашылмады. Ире белән язылышмыйча яшәгәннәрмени? ЗАГСка барабыз дигән.
    Күз белән каш арасы...
  • 30 сентябрь 2020 - 16:46
    Без имени
    Ике тиле...
    Парлы ялгызлар
  • 29 сентябрь 2020 - 20:37
    Без имени
    Шундый матур язылган!Укыйсы да укыйсы гына килэ!
    Яшел кар
  • 28 сентябрь 2020 - 10:18
    Без имени
    Гел белмэсэ бик эйбэт. Бер ачуланышканда йорэк озгеч сузлэр ишетэсегез килмэсэ белдермэгез. Иргэ таянган иделгэ таянган дилэр. Таяк та бер ата. Гомер озак.
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...