Юл һәлакәтендә гомере өзелгән студентның әнисе: кызымны бәрдергән шофер безнең белән очрашудан кача

КФУның II курс студенты, сәләтле балалар лицей-интернаты һәм Вахитов исемендәге гимназия укучысы, Буадагы картинг-клубта шөгыльләнгән Зөлфия Садыйкованың җәяүлеләр кичүендә һәлак булуына бәйле җинаять эшен тикшерү дәвам итә.
Укуда һәм спортта уңышларга ирешкән, вуз тормышында актив катнашучы, ярдәмчел, тәрбияле, киң күңелле, акыллы һәм чибәр – Зөлфия Садыйкова дуслары һәм туганнары күңелендә нәкъ менә шулай калачак. Аның тормышы көтмәгәндә һәм мәгънәсез рәвештә, аңа нибары 19 яшьтә булган чакта өзелә.

Кыз Казанның Гвардия урамында көндез җәяүлеләр кичүеннән юл аша чыгып барганда, аны кызыл төстәге «КИА Рио» автомобиле бәрдереп китә. Рульдә 30 яшьлек хатын-кыз була. Бу вакыйгадан соң ярты ай узган инде.



«Казандагы вузларның берсендә укытучы булып эшләүче әлеге ханым безнең белән очрашудан качып йөри. Бу уңайдан җинаять эше кузгатылды, безне тикшерүчегә чакырдылар. Аңа нинди җәза бирүләрен теләр идемме? Белмим дә инде... Кечкенә баласы бар дип әйтәләр... Аны җәзага тартырга кирәк, әлбәттә. Әмма нинди җәзага? Анысын әйтә алмыйм...», - ди кызның әнисе Энҗе Садыйкова.

Россия Эчке эшләр министрлыгының Казан буенча идарәсе ЮХИДИ бүлегеннән хәбәр итүләренчә, авария 15 сентябрь көнне 13.30 сәгатьтә Гвардия урамындагы 37/17нче йорт янында килеп чыга. Авыр тән җәрәхәтләре алган кызны хастаханәгә озаталар. 17 сентябрьдә аның йөрәге тибүдән туктый.



«Бик кызганыч, әлбәттә. Кызым бик яхшы укыды. Беренче курсны яхшы билгеләренә генә тәмамлады, төркемнең старостасы иде... Мин юл һәлакәте килеп чыккан урында булдым. Ул «Сирень» кафесы тукталышы янында гына, анда юл өч рәтле. Машиналарның ике рәте аны үткәреп җибәргән, өченчесе – юк... Мин үзем дә машина йөртәм. Анда тизлекне чикли торган билге (сәгатенә 40 чакрым) тора, ул («КИА Рио» шоферы – Редакция иск.) туктарга өлгерергә тиеш иде», - ди ачынып Энҗе Садыйкова.

«КИА Рио» йөртүчесен 5 елга ирегеннән мәхрүм итү куркынычы яный

Кызның әнисе әйтүенчә, Зөлфия алты ел дәвамында картинг белән шөгыльләнгән, ТР Мәгариф һәм фән, Эчке эшләр министрлыклары кубогына республика ярышларында катнашкан, призлы урыннар яулаган. Казанда Универсиада авылы тулай торагында яшәгән.



«Минем өчен Зөлфия гаҗәеп кеше булды һәм шулай калачак та. Ул һәрвакытта да кешене тыңларга, акыллы киңәшләр бирергә вакыт тапты. Зөлфия бик чибәр, киң күңелле, ягымлы, акыллы кыз иде. КФУның юридик факультетында яхшы билгеләренә генә укыды. Киләчәккә бергәләп планнар кора идек, кызганыч, алар инде чынга ашмаячак», - ди Зөлфиянең апасы Лилия Садыйкова.

Россия Эчке эшләр министрлыгының Казан буенча идарәсе ЮХИДИ бүлегеннән хәбәр итүләренчә, юл һәлакәтенә кагылышлы материаллар ТР буенча Эчке эшләр министрлыгының Баш тикшерү идарәсенә тапшырылган.

Министрлыкның матбугат хезмәтендә белдерүләренчә, «Юл йөрү кагыйдәләрен бозу һәм саксызлык аркасында кеше үлеменә китергән транспорт чараларын эксплуатацияләү» маддәсе буенча җинаять эше кузгатылган.



«Әлеге маддә буенча каралган иң зур җәза – биш елга иректән мәхрүм итү. Без бу эш буенча гадел карар кабул ителсен өчен барысын да эшләячәкбез. Алар ягыннан мөнәсәбәт нинди булса, безнең яктан да шулай булачак. Юл-транспорт һәлакәтендә гаепле ханым һаман да безнең белән очрашудан качып йөри. Минем йөзләгән шундый очракка тап булганым бар. Һәм мин, яклаучы буларак, аның гаепле икәнлегенә тулысынча ышанам һәм ул катгый җәзасын алырга тиеш», - ди адвокат Назыйм Гыйматдинов.

Машина йөртү таныклыгының вакыты чыккан булган

«КИА Рио» автомобиле белән идарә иткән ханымның машина йөртү таныклыгының вакыты чыккан булган.

«Аның машина йөртү таныклыгыннан башка рульгә утырырга хакы юк. Авария тәүлекнең якты вакытында килеп чыккан, көн аяз булган. Ул («КИА Рио» шоферы – Редакция иск.) юлда яткан кыз янына килеп тә басмый. Үз автомобиленә зыян килгәнме-юкмы икәнлеген тикшерә дә, берни дә булмагандай машинасына кереп утыра. «Ашыгыч ярдәм» машинасын кем чакыргандыр, анысын әйтә алмыйм», - дип ассызыклады адвокат.

Шунысы кызганыч, Татарстан башкаласында җәяүлеләр кичүендә юл-транспорт һәлакәтләре шактый еш булып тора. Россия Эчке эшләр министрлыгының Казан буенча идарәсе ЮХИДИ бүлегеннән хәбәр итүләренчә, быелның 8 аенда Казанда җәяүлеләр кичүендә 196 юл-транспорт һәлакәте теркәлгән, аларда 4 кешенең гомере өзелгән, 197се төрле тән җәрәхәтләре алган.

«Казан урамында булган коточкыч фаҗига Зөлфиябезне якты дөньядан алып китте… Зөлфия безнең коллективка X сыйныфта кушылды һәм аның аерылмас өлешенә әверелде... Акыллы, актив, намуслы, хезмәт сөючән һәм бик тә чибәр... Безнең Зөлфия әнә шундый иде... Хәзер инде ул арабызда юк... Моңа ышанасы да килми...», - дип язган аның сыйныф җитәкчесе Талия Рәхмәтуллина Зөлфиянең социаль челтәрдәге сәхифәсендә.

чыганак: http://intertat.ru/society/yul-lak-tend-gomere-zelg-n-studentny-nise-kyzymny-b-rderg-n-shofer-bezne-bel-n-ochrashudan-kacha/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7180
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4465
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2940
    4
    36
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4808
    0
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9623
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда