«Ялгызларны парлы итәсебез килә»

ЗАГС идарәсе аерылышу процессын катлауландыру тәкъдиме белән чыкса, «Ак калфак» хатын-кызлар оешмасы республикадагы ялгызлар санын киметүнең башка юлын күрсәтә. Татарстан районнарында бер-бер артлы димче клублары оештыра ул. Узган атнада Азнакайга бөтен республика буенча яучылар җыелды. Авыллардагы ялгызларны кавыштыру, гаиләне саклап калу проблемалары хакында фикер алышты алар.

Хәзерге яучылар әби-бабайлар заманындагы «коллегалары» кебек бер балагын сызганып, берсен читек тышына чыгарып йөрми инде. Замана белән бергә димчеләр дә үзгәрә. Максатлары гына элеккечә кала: ялгызларны таныштыру, бәхетле гаиләләр санын арттыру. «Ак калфак» хатын-кызлар оешмасы да шушы юнәлештә актив эш алып бара. Күпчелек районнарда димче клублары булдыру – шуңа мисал.

«Ак калфак»ның күчмә утырышын һәм яучылар җыенын Азнакайда үткәрү юкка түгел. Димләп корылган ныклы гаиләләре белән башкаларга үрнәк күрсәткән район бу. Менә «Пар канатлар» клубы да шактый егет-кызларны кавыштырырга өлгергән инде. Клубның җитәкчесе Лена Гыймаева әйтүенчә, күбрәк авыллардагы буйдаклар, кияүгә чыкмаган кызлар белән эшлиләр, аларны таныштырырга, гаиләле итәргә тырышалар икән. «Пар канатлар» тагын бер юнәлештә актив эш алып бара. Яшьләрнең язылышу тантанасына 40-50 ел бергә гомер иткән парларны да чакыралар. «Бу – бик яхшы үрнәк, тәрбия чарасы. Кара, ничек матур итеп яшәп була икән, дип сокланып китә яшьләр», – дип сөйләде Лена Гыймаева.

Азнакайның үзендә генә түгел, авылларында да димче клублары оешкан. Урсай авылыннан яучы Рузилә апа Зарипова «Ак калфак» утырышына да килгән иде. Үзе генә түгел, беренче кавыштырган парын да алып килгән. Алар 22 ел матур гомер кичерә, дүрт бала үстерә икән инде. Алар турында сөйләгәндә, Рузилә апаның күзләре янып торды – аның кулы белән төзелгән гаилә бит!

Утырышта башка районнардан килгән яучылар да үз тәҗрибәләре белән уртаклашты. Әйтик, Мамадышта «Шанс» дигән таныштыру клубы эшләп килә икән. Җитәкчесе Айгөл Әхмәтшина сөйләвенчә, үзәккә мөрәҗәгатьләрне аноним рәвештә кабул итәләр, танышырга теләүчеләр анкета тутырып калдыра. Алар белән психолог та аралаша. «Шанс»та эшләүчеләр һәр анкетадагы мәгълүматның дөреслеген тиешле органнар ярдәмендә тикшергәннән соң гына эшне башлый икән. Мәсәлән, күптән түгел аларга төрмәдә утырып чыккан бер ир мөрәҗәгать иткән. Психолог аның белән аралашканнан соң, шунысы ачыкланган: ир кылган гамәле өчен үкенә, гаилә корып яшәргә тели. Ә нишләп әле аңа яр эзләп карамаска ди?! Теләгенә ирешә ул, «Шанс» ярдәме белән хатынлы була.

Бүген «Ак калфак» оешмасының районнарда һәм Русиянең башка шәһәрләрендә барлыгы 216 филиалы бар. Һәммәсе каршында да таныштыру клубы булдырсаң, пар таба алмый йөргән никадәр кешегә ярдәм булыр иде.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15589
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5940
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5751
    3
    48
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    7968
    0
    35
Реклама
Соңгы комментарийлар
  • 2 февраль 2023 - 13:13
    Без имени
    Бәлки бала табып карарғалыр. Иптәшең бәпесте күреп үзгәрер ине. Сабыр итергә кәрәк. Эсеп, Тукмап йөрөгән ир түгел бит.
    «Бала теләмәгән ирдән качарга кирәк!»
  • 1 февраль 2023 - 17:08
    Без имени
    Бик күркәм хәситә. Ясалышы гади генә булса да, отышлы күренә. Идея өчен авторга зур рәхмәт.
    ​Милли бизәкләр – хәситә
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр