​Яңа үрләр сиңа, Сәйдә!

«Туган авылым» күңел ачу комплексында яшь җырчы Сәйдә МӨХӘММӘТҖАНОВАның беренче иҗат кичәсе узды. 

Сәйдә күпләргә беренче каналда баручы «Голос. Дети» проекты аша таныш. Ул аның икенче чыгарылышында катнашып Мәскәүдән өченче урын алып кайтты. Татар дөньясы сөйкемле бу кызга аның башкаруында «Су буйлап» җырының беренче юллары яңгырый башлауга гашыйк булды ул чакта. Беренче каналда! Татарча! Шулкадәр дә моңлы итеп!.. 

Аның иҗатын яратучылар белә: Сәйдә инде биш яшеннән бирле зур сәхнәдә. 2014 елда ул «Созвездие-Йолдызлык» фестивалендә Гран-прига ия булды. Һәм шуның артыннан ук башкалада зур җиңү! 

«Туган авылым»да узган беренче иҗат кичәсендә яшь җырчының иң-иң якын кешеләре, туганнары, гаилә дуслары һәм иҗатына гашыйк тамашачысы җыелган иде. Бергә җыелып сөенер өчен сәбәп тә бар: Сәйдә Мөхәммәтҗанованың беренче альбомы дөнья күрде. «Балачактан килми китәсем» дип атала ул. Җыентыкка 18 җыр тупланган. Сәйдә аларны татар, рус, төрек, инглиз, гарәп телләрендә башкара. Алар арасында без күптән яратырга өлгергән «Су буйлап», «Сахралар», «Әллүки» кебек җырлар да бар.
Сәйдә килгән кунакларга – тамашачыга бик күп җырларын бүләк итте. Аның өчен шактый дулкынландыргыч кичә булды ул, чөнки залда аның остазлары – Татарстанның халык артистлары Зөһрә Сәхәбиева һәм Габделфәрт Сафин да утыра иде. 

Сәйдәнең укытучысы, Татарстанның халык артисты, Татарстан Республикасының җыр һәм бию ансамбле хормейстеры Венера ханым Гәрәева укучысына үзенең иң изге теләкләрен җиткерде: «Ходай Тәгалә Сәйдәне Җырчы итеп яраткан, – диде ул. – Аны инде бүген үк профессиональ җырчы дип атап була. Мин аңа бик зур өметләр баглыйм. Үрләрнең иң югарыларын яулар өчен дә аның бөтен мөмкинлекләре бар».

Кичәнең тагын бер бизәге – дизайнер Нурия Зарипованың коллекцияләрен тәкъдим итү булды. «Тамырлар яңарышы» коллекциясе аша ул тамашачыга татар бизәген заманча стильдә күрсәтте. Асия Мөхәммәтшина белән хезмәттәшлек итү, коллекцияне ул иҗат иткән изү, баш киеме элементлары белән баету костюмнарга яңа төсмер өстәгән. (Дизайнер Асия Мөхәммәтшина иҗаты, ул үткәргән мастер-класс белән «Сөембикә» журналының июль саныннан таныша аласыз. )

– Сәйдәнең чыгышын тыңлаганнан соң, аның «Кошларым» дигән җырына махсус сәхнә костюмы иҗат иттем. Соңгы коллекциямне – никах күлмәкләрен  ясарга да мине аның иҗаты рухландырды. Шуңа күрә бу коллекцияне «Сәйдә» дип атадым да, – диде Нурия Зарипова.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 август 2022 - 17:46
    Без имени
    Хатын кыйнаган кешенен туктаганын кургэнегез бармы?! Хатынга бер суккан кеше беркайчан кыйнаудан туктамый! Беркайчан! Донья кургэн эти эни буларак сез моны анларга тиеш. Картая картая кул белэн уйный торган кеше эшэкелэнэ генэ сэбэпле-сэбэпсез кул кутэрэ. Сез нинди генэ суз эйтсэгездэ тозэтеп була торган тугел! Кызыгыз яшьлеге белэн генэ белгертмэскэ,ярарга тырыша, тозэлер дип омет итэ. Димэк эти энигэ бергерткэн очен тагын кыйнаган?! Белгертэсе килмэсэ дэ кешегэ беленми кала торган эш тугел бу. Эле кызнын таянырга эти энисе тигез. Шуны белэ торын кияу кыйный. Эти энисез яклаучысыз калгач ни кыланачак бу кияу?! Бу кеше белэн яшэсэ алдагы гомерен кыйналып яшэячэк кыз. Кыйнап имгэтэчэк хичшиксез иртэме сонмы. Имгэнгэн хатын иргэ кирэк тугел! Кешедэн ким булып яшисе килми. Белгертэсе килми. Парлы матур тормышта яшисе килэ. Цена вопроса кызыгызнын сэлэмэтлеге. Эти эни якламаса кем яклар?!
    Кияү кызыбызны кыйный?
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
    Асылташ
  • 9 август 2022 - 09:35
    Без имени
    Ряхмят!Бик яхшы язасыз
     Гомерем усал кайнана, исерек ир белән үтте 5
  • 9 август 2022 - 11:39
    Без имени
    Бигерәк күп күргән сез. Кайтмаска иде, үсәр иде бала. Ййй язмышлар
     Гомерем усал кайнана, исерек ир белән үтте 5
  • 8 август 2022 - 12:19
    Без имени
    Ирегез белән барып, утырып күзгә күз карап сөйләшәсегез калган.Телефо6ан решать итеп буламыни
    Кияү кызыбызны кыйный?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда