WorldSkills чемпионатында Россия икенче урын алды

 Кичә «Казан Арена» стадионында профессиональ һөнәри осталык буенча 45 нче халыкара чемпионатның ябылу тантанасы узды. Ярышлар тәмамлануга, һава торышы да күңелсезләнде бугай. Җиңүчеләрне коеп яуган яңгыр астында котладылар. 

 Чемпионатта Россия 14 алтын, 4 көмеш, 4 бронза медаль һәм 25 медальон алды. Җыелма команда гомум зачётта икенче урынга чыкты. Беренче урында – Кытай, өченче урында – Көньяк Корея. Татарстан егет-кызлары да чемпионатта җиңү яулауга иреште. Чаллының В. Поташов  исемендәге техник колледжында белем алучы Айдар Минеев «Прототиплар әзерләү» компетенциясендә алтын медаль алды. Казан мәгълүмати технологияләр техникумы студентлары Оскар Арсланов һәм Эмиль Мифтахов бронза, Ислам Нигъмәтуллин көмеш медаль яулады. Сүз уңаеннан, Россия җыелма командасында 14 Татарстан вәкиле бар иде.  

Эшче һөнәрләре буенча чемпионатта иң яхшы нәтиҗәләр күрсәтүче дә Россиянеке. Анастасия Камнева WorldSkills хәрәкәтенең иң абруйлы премиясенә ия булды. Әлеге премияне хәрәкәткә нигез салган Альберт Видаль булдырган.  

 Бүләкләү тантанасы артистлар чыгышы белән үрелеп барды. Тамашаны Россиянең танылган алып баручылары Антон Комолов белән Яна Чурикова инглиз телендә алып барды. Тәрҗемәсез барган чарада күпчелек казанлыларга өйрәнгән инглиз телләрен исенә төшерергә туры килде. Моннан кала, стадионга килүчеләрнең яртысына тамашаны видеоэкраннан гына карап утырды. Чөнки бүләкләү тантанасының сәхнәсе VIP-ложа урнашкан якта иде. Аларны арттан булса да карап утырырга, стадион уртасында куелган серле өчпочмак комачаулады. 

Реклама

Чемпионат ябылышына Россия Федерациясе Президенты Владимир Путин да килде. Ул Татарстанга карата мактау сүзләре җиткерде. «Искиткеч, энергияле үсештә булган гадел көрәш, дустанә аралашу өчен барлык шартлар тудырылган борынгы тарихлы, шул ук вакытта яшь шәһәр», – диде үзенең чыгышы вакытында.  

 Рәсми чыгышлардан соң WorldSkills флагын Шанхайга тапшырдылар. Анда ярышлар 2021 елда узачак. Тантана Лобода, Филипп Киркоров чыгышлары, салют белән тәмамланды.  

 

фото: Дмитрий Дудин

 

Ошый
Поделиться:
Комментарийлар (0)
Cимвол калды:
Хәзер укыйлар
  • 4837
    4
    159
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    6489
    7
    148
  • 6710
    5
    114
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    5262
    4
    91
Соңгы комментарийлар
  • 19 гыйнвар 2020 - 13:30
    Без имени
    Мин татар телендэ укып чыктым! Бик эйбэт хикэя!!!
    Җизнәй
  • 19 гыйнвар 2020 - 13:30
    Без имени
    Ни русча ни татарча тугел анлап булмый
    Җизнәй
  • 19 гыйнвар 2020 - 13:30
    Без имени
    Миңә оҡшаны һеҙгә уңыштар.
    ТУГАН ЙОРТ БУСАГАСЫ
  • 19 гыйнвар 2020 - 13:30
    Без имени
    Биктэ дэрес эшлэгэн кыл булып ис Энлеген бетереп газап чигеп.
    Бәхет шәүләсе
  • 19 гыйнвар 2020 - 13:30
    Без имени
    Искиткеч
    Җизнәй
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...