“Вконтакте” социаль челтәрендә музыканы акчага гына тыңлап булачак

“ВКонтакте” социаль челтәрендә музыка бүлеге тулысынча үзгәртеләчәк. Бу хакта Россиядә Universal Music Group генераль директоры Дмитрий Коннов, Россиядә Warner Music Group генераль директоры Александр Блинов һәм Россиядә Sony Music Entertainment генераль директоры Арина Дмитриева “ВКонтакте” фестивале кысаларында узган түгәрәк өстәлдә әйтте, дип яза “Известия”.

Социаль челтәр музыканы плейлистлар ярдәмендә тәкъдим итәргә җыена, ә музыкантларның дискографияле үз битләре пәйда булырга тиеш. Apple Musicта шуңа охшаш проектның инде тормышка ашырылганын әйтеп узарга кирәк.

Арина Дмитриева сүзләренчә, “ВКонтакте” интернеттагы музыка социаль хезмәттәшлек белән тыгыз бәйләнгән бердәнбер урын. “Кешеләр плейлистлар белән уртаклаша, бер-берсенә җырлар җибәрә. Тик хәзер нибары 10 аудиоязманы беркетеп җибәрергә мөмкин, моны арттырга һәм зур плейлистлар булдырырга кирәк. Ә артистларның биографиясе, аның бөтен синглалары, альбомнарга бүленеше булырга тиеш”, - дип шәрехләп үтте ул.

Яңа мөмкинлекләрнең кайчан пәйда булачагы мәгълүм түгел. Әмма музыкага хокук ияләре ел ахырына кадәр дип белдерә. Шул ук вакытта мобиль кушымталарда үзгәрешләр булмаячак, дип вәгъдә иттеләр социаль челтәрнең матбугат хезмәтендә.

Ә язылу бәясенә килгәндә исә, ул “бер чәшкә кофе” бәясенә тәңгәл булыр дип ышандырылар. Аңа язылу Apple Musicныкы кебек, бер айга тәкъдим ителергә мөмкин.

http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан