Цифралы телевидение сигналы тотмый икән, хакимият акча бирәчәк 

 

14 октябрьдән Татарстан  цифралы телевидениегә күчә. Ландшафт белән бәйле рәвештә кайбер районнардагы авылларга бу сигнал барып  җитә алмый. Шуңа күрә спутник тарелкалары алу өчен Татарстан хакимияте  хуҗалыкларга 7300 сум күләмендә субсидия түлиячәк. (Торак пунктлары исемлеге.) 

 

Татарстанда 160  торак пунктларында  цифралы телевидение сигналлары начар тотыла яки бөтенләй барып җитә алмый. «Алардагы 12 мең хуҗалык яки 92 проценты кабельле яки спутник телевидениесенә тоташкан. 8 проценты аналог телевидениесе карый», – дип хәбәр итте Министрлар Кабинетында узган матбугат очрашуында мәгълүматлаштыру һәм элемтә министры  Айрат Хәйруллин. Цифралы телевидениегә күчү өчен әлеге хуҗалыкларга махсус приставкалар да ярдәм итмәячәк. Спутник телевидениесе сигналы тоту өчен  җиһазлар сатып алырга туры киләчәк. Билгеле булганча, әлеге «тарелкалар» очсыз түгел.  Ә кешеләр телевизор карау өчен нигә акча түләргә тиеш? Бу уңайдан Татарстан хакимияте цифралы телевидение сигналы начар тотылган яки бөтенләй булмаган  урыннарда яшәүче аз керемле  гаиләләргә акчалата ярдәм итә. Исәпләүләр буенча,  республикада 560 хуҗалыкка  бер тапкыр 7300 сум акча биреләчәк. Моның өчен җиһазны  сатып алу һәм урнаштыру хакындагы  документ һәм  гаиләдәге һәр кеше башына тигән керем турындагы белешмәне агымдагы елның 1 декабреннән дә соңга калмыйча материаль ярдәм күрсәтүче республика үзәге бүлекләренә тапшырырга кирәк.  

Цифралы телевидение сигналы начар тотылган  яки бөтенләй булмаган  торак пунктлар исемлеген мәгълүматлаштыру һәм элемтә министрлыгы сайтыннан карарга була: http://mic.tatarstan.ru/rus/naselennie-punkti-vne-zoni-tsifrovogo-efirnogo.htm 

Реклама
Ошый
Поделиться:
Комментарийлар (0)
Cимвол калды:
Хәзер укыйлар
  • 7339
    9
    233
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    7863
    9
    186
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    7914
    6
    121
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6555
    0
    102
  • Ике туй – бер ир «Ике тапкыр кияүгә чыгарсың», – диде миңа чегән хатыны. Күзләремә яшь килде...
    5950
    2
    93
Соңгы комментарийлар
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...