​ТР Ветераннар берлеге вәкилләре Рөстәм Миңнехановны президент праймеризларында катнашу өчен күрсәтте


Җәмәгатьчеләр республика үсеше стратегиясен хуплап, Татарстан лидерына ышаныч белдерде.
Казанда «ТР Ветераннары берлеге» Республика ветераннар (инвалидлар) иҗтимагый оешмасы утырышында Татарстан Президенты вазыйфасына кандидат итеп күрсәтүгә кандидатура билгеләү буенча башлангыч партия эчендәге тавыш бирүдә катнашу өчен, Рөстәм Миңнеханов кандидатурасы тәкъдим ителде. 

Республиканың хәзерге лидеры кандидатурасын ТР Ветераннар берлеге комитеты рәисе, генерал-майор Әхәт Юлашев тәкъдим итте. Үз чыгышында билгеләп узганча, Татарстан илдәге республика Президенты вазыйфасына кандидат күрсәтү өчен башлангыч партия эчендәге тавыш бирүләрне иҗтимагый оешмалар үткәргән  беренче төбәк булды. Ул искәртеп узганча, «Бердәм Россия» каршында инициатив төркем оештырыла, ул үз алдына башлангыч тавыш бирүнең мөмкин кадәр ачыклыгына тәэмин итү бурычын куя. 12 май көнне җәмәгатьчеләр 13 майдан 5 июньгә кадәр узачак президент праймеризларында катнашу өчен кандидатлар күрсәтү башлангынны игълан итте. Иҗтимагый оешма вәкилләре республика үсеше стратегиясен хуплап, Татарстанның бүгенге  лидерына ышаныч белдерде.

«ТР Ветераннар берлеге» Республика ветераннар (инвалидлар) иҗтимагый оешмасы башлыгы Равил Хәкимов сүзләренчә, Р. Миңнеханов 10 ел дәвамында Татарстан Хөкүмәте белән уңышлы идарә итте, тәҗрибәле дәүләт эшлеклесе Минтимер Шәймиев мәктәбен узды. «Әлеге елларда республикада авыл хуҗалыгы, сәнәгать, мәгариф өлкәсендә һәм башка тармакларда күп нәрсә эшләнде. Татарстан Президенты булгач та, ул республика Россиядә әйдәп баручы позицияләрне биләсен өчен хезмәт итте. Минемчә, аның Владимир Путин һәм Дмитрий Медведев алдында да дәрәҗәсе зур. Казанда күп нәрсә башкарылды һәм бу Рөстәм Миңнехановның казанышы».

Үз чиратында, ТР ветераннар берлегенең «Боевые подруги» клубы советы рәисе Нәкыя Корбангалиева билгеләп узганча, Рөстәм Миңнеханов тырышлыгы белән Татарстанда тотрыклылык, тынычлык һәм динара дуслык саклана. Ул ышандырганча, Бөек Ватан сугышы ветераннары һәм Бөек Ватан сугышында катнашучыларның тол хатыннары нәкъ менә аны Татарстан Президенты итеп күрергә тели. «Без республика буенча йөрдек һәм сугышта катнашучыларның яхшы яшәвен күрдек. Кешеләр канәгать һәм аңа рәхмәтле. Без Рөстәм Миңнехановка алга таба да уңышлы эшләвен, югары күрсәткечләргә ирешүен телибез. Аның тырышлыгы белән республика бөтен дөньяга таныла», - дип ассызыклады ул.

«Безнең барыбызга да Рөстәм Миңнехановның Татарстандагы роле аңлаешлы. Ул бөтен кешегә дә тиешле игътибар бирә, бигрәк тә моны Бөек Җиңүнең 70 еллыгы алдыннан Бөек Ватан сугышы ветераннары тойды. Без үзебезнең Президент белән горурланабыз һәм безне хупларлар дип ышанабыз», - дип сүзен йомгаклады Әхәт Юлашев.

Элегрәк Татарстан Президенты вазыйфасына Рөстәм Миңнеханов кандидатурасын «Татарстан - яңа гасыр» Республика иҗтимагый хәрәкәте дә тәкъдим иткән иде.            

Сылтама: http://tat.tatar-inform.ru/news/2015/05/18/109461/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7844
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7149
    2
    72
  • Кайту Безне ташлап киткән иремнең сөяркәсе шалтыратты...
    6031
    2
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3430
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    3789
    1
    37
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда