Татарстанның нефть чыгару компанияләренең 2015 елның I кварталында табышы 21 процентка артты

Татарстан Республикасы Президенты вазыйфаларын вакытлыча башкаручы Рөстәм Миңнеханов Казанда кече нефть компанияләре җитәкчеләре белән киңәшмә үткәрде. Беренче кварталга нефть тармагында нәтиҗәләр ясалды, үсеш перспективалары һәм тармакның яңа эшләнмәләре каралды.

Рөстәм Миңнеханов билгеләгәнчә, беренче кварталда нефть компанияләре нефть чыгару үсешенең уңай темпларын тәэмин иттеләр. Аның күләме  8224 мең тонна тәшкил итте, бу былтыргы күрсәткечтән 93 мең тоннага артык. Шул исәптән «Татнефть» ААҖ 6495 мең тонна нефть чыгарган (2014 елның беренче кварталының 100,7 процентын тәшкил итә). Республика чыгарган нефтьнең 20,8 проценты кече нефть компанияләренә туры килә.

Республиканың нефть тармагы предприятиеләре табышы 21 процентка - 141 млрд. сумга кадәр арткан, шул исәптән кече нефть компанияләренең табыш үсеше 24 процент тәшкил итә.

Рөстәм Миңнеханов кече нефть компанияләренең Татарстанның консолидацияләнгән бюджетына салым түләүләренең 6,4 процентка артуын билгеләде. Нефтьчеләрнең төпле эшчәнлеге аркасында республикада тотрыклы икътисадый вәзгыять саклана. Республиканың барлык социаль бурычлары һәм республика программалары вакытында һәм тулы күләмдә башкарыла.

«Нефтеконсорциум» ЯАҖ генераль директоры Фәнис Вәлиев кече нефть компанияләре эшчәнлеге турында тулырак сөйләде. Ул хәбәр иткәнчә, 2015 елда кече нефть компанияләре барлыгы 6689 мең тонна нефть чыгарырга, 200 эксплуатацияләнүче һәм 26 нефть эзләү скважиналарын борауларга планлаштыралар.

Җир асты байлыкларыннан файдалану федераль агентлыгының Идел буе федераль округы буенча җир асты байлыкларын файдалану Департаменты башлыгы Равил Мотыйгуллин нефть тармагындагы ике яңалык турында хәбәр итте. Җир асты байлыкларын файдалану хокукына лицензияләрне бер кат яңарту кирәклеге һәм 2016 елның 1 гыйнварыннан углеводород чималы ресурслары һәм запасларының яңа классификациясенең гамәлгә кертелүе турында сүз барды. Рөстәм Миңнеханов әлеге мәсьәлә буенча нефть компанияләре белгечләренә укыту уздыру кирәклеген тәкъдим итте.

«КВАРТ» ЯАҖ баш инженеры Азалия Азизова компаниянең ремонт-изоляция эшләре өлкәсендәге эшләнмәләрен Татарстанның нефть сәнәгатендә куллану турында сөйләде. Алар арасында «Татнефть» компаниясе заказы буенча һәм аның белән бергәлектә эшләнгән импорт алышытручы пакерлар. Рөстәм Миңнеханов әлеге технологияне хуплады һәм, аны патентлаудан соң, базарга чыгарга тәкъдим итте.

Ахырда Рөстәм Миңнеханов Татарстан һәм РФ Табигать ресурслары һәм экология министрлыгы республикада битум һәм сланц нефте буенча ике полигон булдыру турында килешү имзалаганнарын искәртте. Ул «Татнефть» ААҖнә бу эшкә кече нефть компанияләрен дә җәлеп итәргә тәкъдим итте.

Киңәшмә эшендә шулай ук «Татнефть» ААҖ генераль директоры Наил Маганов, Татарстан министрлыклары һәм ведомстволары, федераль оешмаларның территориаль бүлекләре җитәкчеләре катнашты.

Сылтама: http://​http://president.tatarstan.ru/tat

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 гыйнвар 2021 - 15:40
    Без имени
    Бик яхшы мәкалә. Рәхәт укырга да. аңлашылып тора. Бу язманың журналисты дини белем алган кеше икәнлеге күренеп тора. аңа рәхмәт.
    Адашкан хатын-кызны туры юлга кертү өчен... бер сүз җитә
  • 22 гыйнвар 2021 - 15:43
    Без имени
    Бик дөрес язылган сүзләр. Бигрәк тә акчага кагылышлы урыннары. Хәзер байны гына яраталар, аның белән генә аралашалар. Хәерчерәк булсаң син кем дияргә күп сорамаслар.
    Менә бу 10 әйбер турында туганнарга сөйләргә кирәкми
  • 22 гыйнвар 2021 - 16:10
    Без имени
    Кеше (зур кеше) кайгыларын үзе җиңеп чыгарга тиеш...балаларын шул кайгыларга батырмыйча
    Кемгә тидек, кемне рәнҗеттек без…
  • 22 гыйнвар 2021 - 19:15
    Без имени
    Бала сезнен жаваплылыкта, ничек ул отдельно торсын ди? Бу проблеманы алдан ук хэл итэргэ кирэк, сонрак ул кеше бала белэн торырга телэмэсэ, нишлэрсез? Катгый торырга кирэк. Э инде риза булмаса, нигэ ана кияугэ чыгарга?
    Булачак иремә мин кирәк, улым кирәкми
  • 22 гыйнвар 2021 - 19:20
    Без имени
    Бездэ хатын-кыз бигрэк харап скромный инде. Эллэ нинди хатыннар, ике-оч балалы, гулящийларны да кияугэ ала ирлэр, беркем бер суз эйтми. Сез узегез гаепле, эйттермэскэ, мыскыл иттермэскэ иде алдан ук. Кайвакыт, виноват кыяфэттэ тузеп торсан, эйттерсэн, телэсэ нэрсэ дэ эйтэлэр инде. Димэк, позволять иткэнсез. Хэзер ни дияргэ инде?...
    Ирем гомер буе, «кыз түгел идең», диде
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...