Татарстанлылар торак йортларда кимерүчеләрдән ешрак зарлана башлаган

Татарстан Республикасында торак йортларда кимерүчеләр булу факты буенча гражданнар мөрәҗәгатьләре артты.
Бу хакта бүген “Татар-информ” агентлыгында ТРда кимерүчеләргә каршы көрәш чараларына багышланган матбугат конференциясендә Россия Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе санитар сак бүлеге башлыгы Луиза Борисова белдерде. “Әгәр кимерүчеләр торак йортларда һәм коттеджларда үрчесә зыян күп сала. Кимерүчеләр, бөҗәкләр 15 тән артык инфекцион, паразитар авырулар, шул исәптән чума туляремия, тычкан бизгәге, лептоспироз, талпан энцефалиты һәм тимгелле тиф тараталар. Кагыйдә буларак, шәһәрләрдә йорт тычканнары һәм соры күселәр үрчи, ә авыл җирлегендә – бөер синдромлы геморрагик бизгәге вирусын таратучы кыр тычканнары”, - дип аңлатма бирде Борисова.

Шәһәрләрдә бөер синдромлы геморрагик бизгәген йоктыручылар юк диярлек, әмма табигатькә чыкканда, коттеджларда бу авыруны йоктыру куркынычы арта.

Роспотребнадзор вәкиле билгеләп үткәнчә, ТРда  торак йортларда кимерүчеләр һәм бөҗәкләр булу факты буенча гражданнар мөрәҗәгатьләре елдан-ел арта. Кимерүчеләр барлыкка килүнең төп сәбәпләре – кимерүчеләр сыярлык тишекләр булу, подвалларны дөрес кулланмау, шулай ук чүп-чарны дөрес җыеп, үз вакытында чыгармау. Мисалга, Казанда мөрҗәгатьләрнең күбесе Идел буе һәм Вахитов районнарында теркәлә. Беренче очракта, бу сәнәгать һәм склад биналары күп булу белән бәйле, икенче очракта – шәһәрнең бу өлешендә ташландык территорияләр һәм тузган тораклар күп.

Бу проблемага кагылышла мөрәҗәгатьләр саны буенча Яңа Савин районы 3 нче урында, Авиатөзелеш – 4 нче урын, Мәскәү районы - 5 нче урын, Киров – 6 нчы урын.
Бигрәк тә “Идел буе ТКХ ИК” ҖЧҖ, “Вахитов районы ИК” ҖЧҖ, “Уютный дом ИК” ҖЧҖ, “Старый город ИК” ҖЧҖ һ.б. хезмәт күрсәтә торган йортларда шикаятьләр саны күп теркәлгән.

Роспотребнадзор тарафыннан санитария законнарын бозган өчен 300 мең сумнан артык күләмдә административ хокук бозу турында 150 беркетмә төзелгән, идарәче компанияләргә ачыкланган җитешсезлекләрне бетерүгә күрсәтмә бирелә. Торак йортларда яшәүчеләр дератизация һәм дезинсекция хезмәтләре өчен акча түли, шуңа күрә алар куркынычсызлык таләпләрен үтәүне таләп итәргә хокуклы, дип ассызыклыйлар ведомствода.

сылтама: http://tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
  • 15 сентябрь 2021 - 20:54
    Без имени
    Яраббым син тиле мэллэ .Ир диеп кем баласына ташлый Хайваннар да балаларын ташламый
    Булачак иремә мин кирәк, улым кирәкми
  • 15 сентябрь 2021 - 22:03
    Без имени
    Хатынын маржамыни?
    Әнвәр Нургалиев: «Мәхәббәтебез шушы подъездда башланды»
  • 15 сентябрь 2021 - 22:14
    Без имени
    Алла сабырлык бирсен, купме аталы ятим усэ…
     Алиментка бирсәң... 
  • 16 сентябрь 2021 - 05:32
    Без имени
    Ир дип мин баланы беркайчанда ташламас идем ин беренче урында минем балаларым тора
    Булачак иремә мин кирәк, улым кирәкми
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан