Татарстанда иң өлкән кияүгә 91 яшь

Узган ел республикада үлүчеләргә караганда, яңа туган сабыйлар саны күбрәк булган. Идел буе федераль төбәкләре арасында Татарстанда гына мондый тенденция саклана. Бу хакта РТ Министрлар Кабинетының ЗАГС идарәсенең еллык коллегиясендә идарә башлыгы Гөлшат Нигъмәтуллина хәбәр итте.


 

Татарстанда күрсәткечләр яхшы. Коллегиядә әлеге фикер кызыл җеп урынына сузылып барды. Моны статистика саннары да раслый. Узган ел республикада 43180 бала дөньяга килгән. Малайлар күбрәк – 51,2%. Нигездә, икенче, өченче балалар күбрәк туган. Ә менә яшь гаиләләр бала табарга ашкынып тормаганнар, күрәсең. Барлыгы 16 меңнән артык гаилә тормышларын тагын да ямьләндергәннәр. 10 ел элек бу сан 26 мең тирәсе булган. Шунысы да бар: ун ел элек бала тапкан аналарның уртача яше 25 булса, хәзер 29 яшь икән. Димәк, яшьләр үз дәвамчыларын табарга соң өлгерә, артык ашыкмый. Узган ел Чаллыда яшәүче ханым 49 яшендә беренче баласын тапкан. Ә иң өлкән яшь әтигә 63 яшь булган. Аның бишенче баласы дөньяга килгән. 

Киләсе елга әлеге статистика үзгәрер дип көтелә. Беренчедән, республика җитәкчелеге тарафыннан авыл җирендә яшәгән бала тапкан аналарга өстәмә түләүләр булдырылды. Икенчедән, Россия президенты Владимир Путин үзенең еллык юлламасында «ана капиталы»ның беренче балага ук бирелә башлаячагын вәгъдә итте. Быел беренче тапкыр ана булган ханымнарга 466 мең сум биреләчәк. Икенче бала тапканнарга «ана капиталы»на 150 мең сум тирәсе өстәлә. Өченче балага да 450 мең һәм җир биреләчәк. Әлеге бер чемодан түләүләр демографияне яхшыртырга ярдәм итәр дип көтелә. 

Акыллы ана бала табар өчен үрнәк әти, яхшы ир эзли бит әле. Кызганыч, дәүләт мәхәббәт өчен әлегә акча түләми. Шуңа күрә бу эшне парлар үзләре һәм... ЗАГС хезмәткәрләре хәл итәчәк. Соңгыларына яшьләрнең никахын күбрәк рәсмиләштерү бурычы куелды коллегиядә. Алар районнарына кайтып, гаилә кору өчен мотивация тудырырга тиеш булачак. Узган ел республикада 24182 пар никахын теркәгән. Аларның 70 проценты – 30 яшькә кадәргеләр. Дөрес, мәхәббәткә яшь комачауламый. Лениногорск районында яшәүче бабай 91 яшендә камыт кияргә хәл иткән. Ә Казанда яшәүче 81 яшьлек әби үзенең туган көнендә кияүгә чыккан. Менә кайда ул романтика!

Ләкин романтика озакка сузылмый шул. Узган ел Татарстанда 13316 аерылган парның 65 проценты ун ел да яшәмәгән. Гаилә таркатмауда ярдәм өмет итеп 1368 кеше ЗАГСка мөрәҗәгать иткән. ЗАГС Идарәсе башлыгы Гөлшат Нигъмәтуллина раславынча, республикада аерылышулар мәсьләсе башка төбәкләр белән чагыштырганда, үтә катлаулы түгел. Ул елдан-ел тотрыклы. 2018 елга караганда, 1 процентка кимегән дә әле.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7182
    1
    64
  • 7006
    0
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    4836
    2
    50
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    6976
    1
    48
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»