Җәмәгатьчеләр Татарстан Президенты вазыйфасына кандидатлар күрсәтү өчен партия праймеризы (кандидатлыкка кандидатлар) үткәрә.
«Бердәм Россия»нең региональ политсоветы Татарстан Президенты вазыйфасына кандидатлар күрсәтү өчен праймериз үткәрүнең яңа форматын билгеләде. Праймеризны составына республика җәмәгать оешмалары һәм күренекле җәмәгать эшлеклеләре кергән инициатив төркем үткәрә. Праймериз Регламентын инициатив төркем әгьзалары кабул итәчәк, үткәрү вакытын билгеләячәк, кандидатлар исемлеген төзиячәк, тавыш бирүне оештырачак.
Быелгы Президент сайлаулар үзенчәлекле булачак: соңгы мәртәбә турыдан-туры Президент сайлаулар моннан ун ел элек булды. «Безгә аның мөмкин булганча ачык булуы мөһим», – диде «Бердәм Россия» региональ политсовет секретаре урынбасары Римма Ратникова.
Исегезгә төшерәбез: «Бердәм Россия» – праймериз үткәрүче бердәнбер сәяси партия.
«Бердәм Россия» җирле үзидарә органнарына депутатлыкка кандидатлар күрсәтү өчен дә праймериз үткәрә. Тавыш бирүләр 38 шәһәр һәм 872 авыл җирлеге һәм дә 2 шәһәр округы – Казан һәм Чаллы шәһәрләрендә узачак.
Следите за самым важным и интересным в Telegram-каналеТатмедиа
Комментарий юк