Татарстан Президенты Ислам хезмәттәшлеге оешмасы Генераль сәркатибе белән очрашты

Бүген Согуд Гарәбстанына эш сәфәре кысаларында Татарстан Республикасы Президенты Рөстәм Миңнеханов Җиддә шәһәрендә Ислам хезмәттәшлеге оешмасы Генераль сәркатибе Йосыф бин Әхмәд Әль-Осеймин белән очрашты.

«Россия Федерациясе белән Сезнең оешма арасында элемтә һәм үзара хезмәттәшлек бик мөһим», – дип ассызыклады Рөстәм Миңнеханов очрашу башланганда: «Татарстан Россия белән мәшһүр халыкара оешма элемтәләре үсешенә керткән өлеше белән горурлана. Без Ислам хезмәттәшлеге оешмасының Үзәк аппараты, аның аерым структуралары белән даими диалог урнаштырылуга шатбыз. Кызганыч, бүген дөньяда тынычлык һәм татулык булмаган төбәкләр шактый. Мөселманнар буларак, бу хәл безне бик борчый. Россия Федерациясе Президенты Владимир Путин Якын Көнчыгышта тынычлыкка ирешүгә аерым игътибар бирә».

Аның сүзләрен Россия Федерациясенең Согуд Гарәбстанындагы Гадәттән тыш һәм Тулы вәкаләтле Илчесе һәм Россия Федерациясенең Ислам хезмәттәшлеге оешмасы каршындагы Даими вәкиле Олег Озеров та хуплады.

Йосыф бин Әхмәд Әль-Осеймин билгеләп үткәнчә, аңа Татарстандагы дөньяның барлык дин вәкилләре дә тату яшәгәнлеге мәгълүм.

Татарстан Президенты билгеләп үткәнчә, 2014 елдан Россиядә «Россия – Ислам дөньясы» стратегик караш төркеме эше торгызылган һәм Россия Президенты кушуы буенча ул «Россия – Ислам дөньясы» стратегик караш төркемен җитәкли. Хәзерге шартларда әлеге Төркем эшчәнлеге Россиянең мәдәни-инсани нигездә мөселман дәүләтләре белән киләчәктә дә якынаюына; дәүләтләр һәм халыклар арасында үзара аңлашуны һәм ышанычны ныгытуга; экстремизм һәм терроризм идеяләрен таратуга каршы торуга юнәлдерелә.

Россиядә Төркем ике утырыш уздырды. 2015 елда беренче утырышта Ислам хезмәттәшлеге оешмасының элеккеге Генераль сәркатибе Ийяд Мәдәни дә катнашты. Киләсе очрашу Чечен Республикасы башкаласы Грозный шәһәрендә май аенда узачак. Ул Ислам хезмәттәшлеге оешмасы Генераль сәркатибе Йосыф бин Әхмәд Әль-Осейминны бу утырышка чакырды.

Шулай ук Татарстан Республикасы Президенты 2018 елда Төркемнең чираттагы утырышларының берсен Ислам хезмәттәшлеге оешмасы мәйданчыгында уздыру мөмкинлеген карауны тәкъдим итте.

Рөстәм Миңнеханов билгеләп үткәнчә, Оешма ярдәме белән Татарстан башкаласында ел саен KazanSummit халыкара форумы уздырыла. Татарстан Президенты Ислам хезмәттәшлеге оешмасы Генераль секретаренә очрашу өчен рәхмәт белдерде һәм аны 18-20 майда узачак чираттагы саммитка чакырды.

Ә ул арада: Президентның Согуд Гарәбстанына сәфәре турындагы хәбәрләр җирле матбугатның беренче битләреннән төшми: «Король Татарстан Президенты белән очрашты», «Ике Изге җирне Саклаучы Татарстан Президенты белән хезмәттәшлек мәсьәләләрендә фикерләшә», «Эр-Рияда Әмире, Принц Фейсал бән Бандар Рөстәм Миңнеханов хөрмәтенә төшке аш әзерләде» кебек баш исемле язмаларны күрергә була. Беренче битләрдә очрашулардан фотолар да бирелгән.


чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    11060
    1
    162
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    7206
    1
    56
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    5265
    0
    53
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    5425
    1
    51
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    4695
    2
    49
Реклама
Соңгы комментарийлар
  • 13 гыйнвар 2022 - 18:17
    Без имени
    Билгесезлектэ яшэу бик авыр ,ни булса шул дип уртага салып сойлэш ,барлык авырулалар борчылудан килэ .
    55 яшемдә ирем хыянәт итте...
  • 13 гыйнвар 2022 - 16:43
    Без имени
    Если так продолжать, можно серьёзно заболеть, нервы уже не выдержат. Будьте наглее, ставьте условия, уважайте и любите себя, а не сватьев, типа, что скажут. У вас жизнь одна, ваше сердце вам правильно подскажет, думайте о своём здоровье!
    55 яшемдә ирем хыянәт итте...
  • 14 гыйнвар 2022 - 00:59
    Без имени
    Менэ шулай була шул, ат кебек эшлэсэн. Без бит, хатын кызлар, олы йорэкле. Ул сезне рэнжетмиме, эгэр сезне хормэт итсэ, сездэ ана, иргэ карата хис булса, ГАФУ ИТ, кичер.
    55 яшемдә ирем хыянәт итте...
  • 13 гыйнвар 2022 - 20:45
    Без имени
    Бик дорес, без кунак гына бу доньяда.
    ​Раил Садриев: «Безне театр коткарачак!»
  • 13 гыйнвар 2022 - 15:20
    Без имени
    Муллалар сэйляргя тиешле фикерляр, Эмма шигырьдяге Кузляр куллар аяклар Аллахы Тягалядян, !!!!
    ​Раил Садриев: «Безне театр коткарачак!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда