Татарстан хатын-кызлары IT дөньяга китте

Кызыл күлмәктән кызыл келәм буйлап –  IT-технологияләргә.   Казанда Татарстан эшлекле хатын-кызларының V форумы узды. Ул мәгълүмати технологияләргә багышланды.  
 
Көзнең матур көнендә Казанның мәгълүмати технологияләр һәм элемтә техникумы баскычларына җәелгән кызыл келәм  буйлап республиканың  250 эшлекле ханымы атлады. Кинофестивальгә түгел, алдынгы технологияләр белән танышырга килгәннәр. Замана хатын-кызлары гаилә учагы саклап  өйдә генә утырмый. Ир-атлар белән бер  сафка басып, алар барлык өлкәдә дә  үзләрен күрсәтергә  хокуклы шәхесләр.  Хәзер хатын-кызлар ана, хатын гына түгел, идарә итүче дә.  Ә мәгълүматлы кеше ил белән дә идарә итә ала. 


Эшлекле костюмнарын салып, кызыл күлмәк кигән Премьер-министр урынбасары Ләйлә Фазлыева  сәламләү сүзләрен җиткереп: «Без –  хатын кызлар  гаилә һәм үзгәрешләр нигезе», – дип белдерде. Хатын-кыз дөньясы өчен бераз ят булган IT-технологияләрне дә яулап алырга кирәклегенә ишарә иде бу. «Форумны мәгълүмати технологияләргә  багышлау юкка гына түгел, – ди «Татарстан эшлекле хатын-кызлары» иҗтимагый оешмасы президенты Лиана Сәетова. –  Кайсы өлкәдә генә эшләсәк тә, югары технологияләр белән очрашабыз. Цифралы икътисад, электрон коммерция, интернет-банк, интернет-реклама, блокчейннар заманында яшибез. Безнең төп ярдәмчебез – телефон. Һәр көнебез аның белән башлана», – ди ул.
IT-технологияләр бик тиз үзгәрә. Шуңа күрә быелгы форумда эшлекле ханымнарны җыеп, соңгы технологияләр белән таныштыру максаты куелган.
  



Бу өлкәдә остаз булырдай белгечләр  гүзәл ханымнарга аның күңел ачу чарасы гына түгел, бизнесны алып бару өчен зур бер платформа булуы хакында сөйләделәр. Мастер-класслар блокчейн, социаль челтәр аркылы сәүдә итү, шулай ук Кытай белән мөнәсәбәтләр темасына багышланды. Кытайга таба йөз бору да юкка гына түгел, әлеге ил  IT- индустриядә лидер булып санала.



Форумга килгән ханымнар яңалыклар турында зур кызыксыну белән тыңлап, үз бизнесларында куллану турында уйланып  утырдылар. Нурлатта  ипи пешерү  йорты тоткан Ольга Мякишева: «Моңа кадәр, тиз бозыла торган продукт белән эшлим, миңа мондый технологияләр кирәкми дип  уйлап йөрсәм дә, аның иртәгәсе көн икәнен аңладым.  Яшем өлкән булып, миңа бу яңалыклар авыр бирелсә дә, бирешмәячәкмен, аңлап, үз бизнесымда кулланырга уйлыйм», – дип, экспертлар сөйләгән һәр сүзне, мәктәп укучысы кебек, блокнотына язып барды.
Сәрия Хәйбуллина «Реацентр» үзәге җитәкчесе. Медицина клиникасы балалар неврологиясен дәвалауда махсуслаша. «Авыру балалар күплеге бизнес өчен, бәлки, яхшыдыр да, тик ана һәм кеше буларак, мин моңа бик борчылам», – ди ул.  Сәрия ханым бигрәк тә аутизм диагнозы куелган сабыйлар күбәюен әйтте. «Безнең җәмгыятьтә ни өчендер әниләр  авыру балалары белән ялгызы гына кала. Ә  ул сабыйларны дәвалау өчен уникаль алымнар бар. Аларны өйрәнү, үзенчәлекле балаларның әниләренә безнең барлыкны белгертү, билгеле, IT-технологияләрсез мөмкин түгел», – ди ул.
Форумга җыелган хатын-кызлар бизнесларын үтә бер җылылык, аналарча кайгырту, хатын-кыз сизгерлеге белән алып баруларын һәм шундый ук партнерлар эзләүләрен әйтәләр. Әлеге мәйдан исә танышырга, тәҗрибә уртаклашырга мөмкинлекләр бирә.  Нинди генә эшлекле ханым булмыйк, без иң элек –  хатын-кызлар.
  

Җитди мастер-класслардан соң, гүзәл затлар чәчәк бәйләмнәре ясарга өйрәнделәр, авыр тормыш хәлендә калган сабыйларга ярдәм итү өчен  хәйрия акцияләре уздырдылар,  оештырылган күргәзмәләрдән үзләренә энҗе-сәйләннәрдән ясалган күз явын алырдай алка-муенсалар сайладылар.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8769
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8861
    8
    70
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4548
    4
    51
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5795
    2
    26
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан