Бүген, 2017 елның 7 февралендә «Татарстан-24» телеканалы үзенең «челтәр» тарихын башлап җибәрә. Әлеге телеканалга беренчеләрдән булып АО «Татмедиа» составындагы «Зеленый Дол» телеканалы кушылды.
Исегезгә төшерәбез, «Татарстан-24» телеканалы 2016 елның 30нчы маенда теркәлеп, июнь аеннан үзенең эшен башлап җибәрде. «Татарстан-24» – «KZN», «Эфир-24» һәм «Татмедиа» җәмгыятенең уртак продукты. Ул тәүлек буе эшли, һәр сәгать башында республика яңалыкларын тыпшырып тора. Каналның 90% тапшыруы үзләренеке, сәяхәтләр турындагы тапшырулар читтән сатып алынган. Тапшырулар программасы 30 яшьлек һәм өлкәнрәк кешеләргә тәгаенләнгән. Иң күп караучылар шулай да хатын-кызлар булыр дип уйланыла. «Татарстан-24» каналын эфир дулкынында, спутник яки кабельле телевидение аша карап була. Ул беренче көннән үк югары сыйфатлы HD форматында күрсәтә. Эфир дулкыннары әлегә Казаннан 70 чакрым аралыкта гына тарала.
2017 елда «Татарстан-24» каналы Татарстан районнары һәм шәһәрләрендә эшләп килүче төбәк каналлары өчен республикадагы бердәнбер челтәр партнеры булып калачак. Бу эш 2015 елның 13 июлендә кабул ителгән «Массакүләм мәгълүмат чаралары турында»гы Россия Федерациясе Законына һәм «Элемтә турында»гы Федераль законга үзгәрешләр кертү турында»гы 257нче ФЗ белән бәйле алып барыла. Киләсе елдан төбәк каналлары федераль каналларның эфир вакытына кереп, үз тапшыруларын күрсәтә алмаячак.
«НТВ», «РенТВ» һәм башка каналлар аша бер ияләнгән вакытта үз төбәгегезнең яңалыкларын карарга күнеккән булсагыз, бераз күңелегезне төшерәбез, тиздән әлеге каналлар аша төбәк яңалыкларын карап булмаячак. Ул вазыйфаны «Татарстан-24» каналы үз өстенә алырга тиеш.
Следите за самым важным и интересным в Telegram-каналеТатмедиа
Комментарий юк