​«Татар кызы»на – машина



Берсеннән-берсе чибәр, уңган 14 кыз. Алар “Татар кызы” халыкара бәйгесенең финалында иң-иң булырга көч сынашачак. Быелгы бәйгедә Австрия, Казакъстан, Литвадан да кызлар катнаша. Төп бүләк – җиңел машина. Бүген Бөтендөнья татар конгрессында әлеге бәйгене оештыруга багышланган матбугат конференциясе узды. 

2016 елдан башлап, «Татар кызы» бәйгесе халыкара дәрәҗәдә уза башлый. Узган ел ул Уфада үткәрелә, анда «Татар кызы-2017»  исеменә  Татарстаннан Гөлназ Гатина лаек булды. Быел бәйге Казанда 16 нчы ноябрь көнне Муса Җәлил исемендәге опера һәм балет театры сәхнәсендә үтәчәк. «Шуңа күрә дә югары сәнгатькә басым ясалачак», – ди конкурсның башкарма директоры Тәбрис Яруллин. Зәвыклы җырчылар, көчле тавышлар, оркестр, Дәүләт җыр һәм бию ансамбльләре кызларның ярышын озата барачак. Финалга кадәр ун көн дәвамында 14 кыз да бәйге сынауларына әзерләнә, алар белән хореография, җыр, сәхнә сөйләме буенча иң яхшы педагоглар эшли. Аларны Казан буйлап экскурсияләргә йөртәләр, «Ярдәм» мәченә барып, хәйрия эшләрендә катнашалар. Хәтта «Ак барс» хоккей командасы өчен җан атарга барып, хоккейчылар белән таныша чибәрләр. Кызлар барысы да татар телен камил белә.  

“Татар кызы” исеменә лаек булган кыз Златоуст осталары ясаган таҗга һәм “Лада Гранта” автомобиленә ия булачак”, – дип хәбәр итте халыкара “Татар кызы” бәйгесенең президенты Лена Колесникова. Бу – бәйгенең традициясенә әйләнде.  Кызларның үзләренә сүз бирик: 

Австриядән Энҗе Бәйрәмова: «Мин тумышым белән Казаннан. Вена шәһәрендә укыдым. Берничә атна элек, биология буенча укып, диплом алдым. Анда татар оешмасында эшлим. Без татар телен үстерүдә актив эшлибез. «Татар кызы» бәйгесенең сайлап алу өлеше Европада да узды. Мин анда катнашып җиңү яуладым. Конкурста иң авыры: инде танышып-дуслашып өлгергән кызлар белән аерылышу. Шунысы куанычлы, без элемтәдә тордык. Менә хәзер финалда күрешәчәкбез”. 

Литвадан Зиләрә Кәримова: «Әтием – Оренбургтан, әнием – Башкорстаннан. Институт бетергәннән соң, аларны Литвага эшкә җибәрәләр. Мин шунда туып-үстем. Татар телендә чиста сөйләшә белүемә әти-әниемә рәхмәтлемен. Җәйләрен әбиемнәрдә үткәрү дә булышкандыр, күрәсең.  Өйдә без татарча гына сөйләшәбез, татар китаплары укыйбыз, хәзер татар  телеканалы карап куанабыз. Быел татарча диктант язуда да катнаштым әле. Казанга килеп, Казан федераль университетында журналистика буенча белем алдым. Хәзер Литвага кайтып, эшли башладым. «Татар кызы» бәйгесендә катнашуым белән бик тә горурланам.  Миңа үзем хакында сөйләргә өйрәнү бик авыр бирелде. Тыйнаклыгым комачаулады, ахрысы. Шулай да, әкренләп өйрәндем. Чөнки безнең белән бик талантлы укытучылар эшли. Үзем өчен бик күп тәҗрибә алдым, кызлар белән дуслаштым. Болар барысы да минем тормышымда бик кирәк булачак».  

 Бәйгедә Татарстанны Балтач кызы  Гүзәл Габдрахманова тәкъдим итә.  Талантлы  кызыбыз хакында без журналыбызның быел август санында язган идек. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11311
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6934
    1
    91
  • 7920
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8966
    1
    49
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...