“Татар кызы-2017”: Татарстан үзенең иң чибәр кызын билгеләде

Әлеге мәдәни чараны Бөтендөнья татар конгрессы Башкарма комитеты уздыра.
 

Кичә “Татар кызы-2017” халыкара бәйгесендә Татарстанны тәкъдим итәчәк кызның исеме билгеле булды. Казан (Идел буе) федераль университетының икенче курс студенты Гөлназ Гатина Татарстанның зональ турларында җиңеп чыккан 11 татар кызы арасыннан сайлап алынды.

Халыкара “Татар кызы-2017” бәйгесенең Татарстан буенча финалында Г.Тукай исемендәге Татар дәүләт филармониясенең концертлар залында үтте.



 

Әлеге мәдәни чараны Бөтендөнья татар конгрессы Башкарма комитеты уздыра.

Финалда Апас, Теләче, Лаеш, Балык Бистәсе, Алабуга, Чистай, Зәй, Азнакай, Чаллы, Сарман, Чирмешән районнарыннан милли киемле, чиста татар телле татар кызлары иҗади бәйгедә һәм зирәклек ягыннан көч сынашты. Кызлар барысы да милли бизәкле күлмәкләрдән һәм нигездә калфактан иде.



 

Бәйгене тамаша кылырга Татарстан Республикасы мәдәният министры урынбасары Гүзәл Шәрипова, Халыклар дуслыгы йорты директоры, Татарстан Дәүләт Советы депутаты Ирек Шәрипов, Чиләбе өлкәсендә “Татар кызы” конкурсын гамәлгә куючы Лена Колесникова, Бөтендөнья татар конгрессы Башкарма комитеты рәисе Ренат Закиров килгән иде.

Кызларның гүзәллеген һәм сәләтләрен Нәҗип Җиһанов исемендәге Казан дәүләт консерваториясенең кафедра мөдире, профессор Зилә Сөнгатуллина җитәкчелегендәге мәртәбәле жюри бәяләде. Жюри әгъзалары - Бөтендөнья татар хатын-кызларының “Ак калфак” иҗтимагый оешмасы рәисе Кадрия Идрисова; Татарстан Республикасы Мәдәният министрлыгының бүлеге җитәкчесе урынбасары Рәшит Фәтхуллин; Татарстан Республикасының халык артисты, «KAZAN» бию ансамбленең сәнгать җитәкчесе Чулпан Закирова; «Зө-Ләй-Лә» триосы җырчысы Ләйсән Закирова, К.Тинчурин театры директоры Фәнис Мөсәгыйтов һәм Бөтендөнья татар яшьләре форумы рәисе Тәбрис Яруллин. Соңгы икесе соңгы мизгелдә гастрольгә китеп барган ике артистны - Г.Камал исемендәге Татар дәүләт академия театры артисты, Татарстанның атказанган артисты Фәнис Җиһанша һәм Татарстан Республикасының халык артисты Фердинанд Сәлаховны алыштырган.

Бәйгене Г.Камал исемендәге Татар дәүләт академия театры артисты Алмаз Гәрәев һәм К.Тинчурин исемендәге драма һәм комедия театры артисткасы Резеда Сәләхова алып барды. Тамашада Чулпан Закирова җитәкчелегендәге «KAZAN» бию ансамбле, “Казан егетләре” төркеме, Татарстанның халык артисты Зәйнәб Фәрхетдинова, Асыльяр чыгыш ясады.

Финал ярышлары өч бәйгене үз эченә алды. Беренче өлештә кызлар, нигездә, үзләре иҗат иткән шигырьләр һәм видеопрезентация белән үзләре әзерләгән “визитка” тәкъдим итте. Икенче бәйге иҗади иде. Кызлар бию, җыр яки нәфис сүз өлкәсендә үз талантларын күрсәтте.

Өченче өлеш театральләштерелеп тәкъдим ителде. Биредә Шаһзадә үзенә кәләш сайлады һәм кызның зирәклеген билгеләү өчен аларга Татарстан һәм татар тарихына кагылышлы сораулар бирде. Шаһзадә ролен артист һәм журналист Идел Кыямов башкарды.

Кызлар үзләренә эләккән сорауга төгәл һәм тиз җавап бирделәр. Аларның, әйтик, Хәйрияче һәйкәленең куелу вакытын көненә кадәр төгәл белүләре әзерлек белән аңлатылды.

Татарстан буенча финалда катнашкан кызларны мәртәбәле жюри “Иң камил кыз”, “Иң зирәк кыз”, “Иң сөйкемле кыз”, “Иң нәзәкатьле кыз”, “Иң гүзәл кыз”, “Иң илһамлы кыз”, “Иң серле кыз”, “Иң нурлы йөзле кыз”, “Иң сәләтле кыз”, “Иң җитез кыз”, “Иң тырыш кыз” номинацияләрендә бүләкләде. Кызларга көмеш бизәнү әйберләре тапшырылды. Кызларның берсе дә дипломсыз һәм бүләксез калмады.

Татарстан данын Уфада яклаячак җиңүчене Бөтендөнья татар конгрессы башкарма комитеты рәисе Ренат Закиров игълан итте. Гөлназ Гатинага танылган дизейнер Луиза Фәсхетдинованың дизайнер калфагы тапшырылды.

Шунысы да игътибарга лаек, Халыкара “Татар кызы-2017” бәйгесенең Татарстан финалы җиңүчесе Гөлназ Гатина Татарстан студентлары арасындагы иң милли бәйгеләрнең берсе булган, соңгы елларда вузара статусын алган “Яз гүзәле” матурлык һәм талант конкурсында вице-мисс булган иде. Ә конкурсны тамаша кылган Россия Дәүләт Думасы депутаты Илдар Гыйльметдинов Гөлназга махсус бүләк тапшырган иде.

Искәртеп үтәбез, Гөлназ – Казан (Идел буе) федераль университетының икенче курс студенты, булачак финансист. Кечкенәдән үк сәхнәдә булган, төрле бәйгеләрдә җиңгән, “Сәләт”кә йөргән, татар теле олимпиадаларында катнашкан кыз. Тумышы белән Чирмешән районының Кармыш авылыннан.

чыганак: http://tatar-inform.tatar/news/2017/09/21/148673/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9856
    11
    116
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9876
    9
    80
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5560
    4
    64
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4506
    0
    47
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6708
    2
    30
Реклама
Соңгы комментарийлар
  • 4 август 2021 - 13:40
    Без имени
    Нигэ бэхетне чит илдэн эзлисен? Кузенне зуррак ачып тирэ ягына кара,может сине бэхетле итэр кеше янында гына йоридер!
    Чит ил кияве
  • 4 август 2021 - 09:01
    Без имени
    Берни дэ ан,ламадым. Ужасное состояние семейнлй жизни. Э балалар?
    Эшләмәскә ничек өйрәнәсе?
  • 4 август 2021 - 00:24
    Без имени
    Сезнен барыбер узегезчэ эшлэгэнегезне белеп нервагызны ашый хорэсэн ирегез. Узе кайсысын устерешергэ олеш кертэ, шуны гына ашатыгыз узенэ, узегезгэ нэрсэ ошый, шуны устерегез дэ ашагыз. Узегезне яратырга ойрэнегез. 1 атна булса да ул эйткэнчэ эшлэгез, идэн я кер юа башлагач мырлый икэн, туктагыз да, 2 че диванга барып ятыгыз, тик анын янына тугел. Хэм шулай, 7-10 кон дэвам итегез, туктамас жиреннэн туктар, бэлкем. Хотя, бокерене кабер генэ турайта.
    Эшләмәскә ничек өйрәнәсе?
  • 4 август 2021 - 07:57
    Без имени
    Тугри фикирлар язылган
    Башыңны сакла, балам...
  • 2 август 2021 - 19:02
    Без имени
    Оендэ жыеп укырсын бигрэк кыланасыз ботен шарты туры килми ул
    Марсель Вагыйзов аэропортта күңелсез хәлгә тарыган
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан