Логотип
Яңалыклар

Сәяхәткә билет

Бүген редакциябездә иртәдән үк бәйрәм рухы булды. Бер кунагыбызны озатабыз, икенчесен каршылыйбыз. Нинди бәйрәм икән дисәгез, җәй көннәрендә игълан ителгән конкурсларыбызның җиңүчеләрен бүләкләдек. Менә әле генә дә «Күңелле җәйге ялым» конкурсы җиңүчесе Айгөл Җамалдиновага  бүләген – «Бюро путешествий «Столица» җәмгыятенең сертификатын тапшырдык.
Айгөл – Чүпрәле кызы, Иске Кәкерленеке. Казанның 20нче татар гимназиясендә инглиз һәм рус телләреннән укыта. Ә бәйгедә җиңгән фотога быел җәй, Болгарга баргач, Идел ярында төшкән булган. Үзенә шундый уңыш китерер дип уйламаган дадыр әле. Без Айгөлдә эшендә дә, тормышында да зур уңышлар телибез. Бүләк сертификат аңа берсеннән-берсе кызыклырак сәяхәтләргә чыгарга юл башы булсын.

Следите за самым важным и интересным в Telegram-каналеТатмедиа

Комментарий юк

Хәзер укыйлар