Ә син тавыш бирдеңме әле?

Мәгълүм булганча, Россия Банкы 200 һәм 2000 сумлык яңа акчаларда сурәтләнәчәк символларны сайлау буенча конкурс игълан иткән иде. Әлеге бәйгедә Казанның истәлекле урыннары да катнаша. Татарстан башкаласының өч символы 5 меңнән артык тавыш җыйган инде.

Моңа кадәр 5 меңнән артык тавыш җыйган Казан Кремленә туристлар яратып өлгергән урыннар – Кол Шәриф мәчете белән Казан федераль университеты да кушылды.

Хәзерге вакытта бәйгене уздыру өчен махсус булдырылган твоя-россия.рф сайтында тавыш бирүнең беренче этабы бара. 5 мең тавыш җыйган Россия калаларының истәлекле урыннары автомат рәвештә икенче  этапка уза.

Денис Калинкин, Казан шәһәре Башкарма комитеты җитәкчесе:

- Россия акчаларында Казанның сурәтләнүе – шәһәребез өчен зур горурлык. Казанның моңа тулы хакы бар. Шуңа да мин бу эштә барлык татарстанлыларның активлык күрсәтеп, тавыш бирүләрен сорыйм. Бәйге берничә этапта уздырылганлыктан, аны һәрдаим күзәтеп барырга кирәк. Бу омтылышны барлык татарстанлылар күтәреп алыр, дип ышанам.

Россия күләмендә үткәрелә торган бәйгедә яңа акчаларда урын алу өчен 3700 символ тәкъдим ителгән. Ләкин аларның 18е генә, 5 мең тавыш җыеп, минималь баскычны үтә алган. 28 июнь – 4 июль аралыгында яңа акчаларда сурәтләнәчәк истәлекле урыннар өчен 426 мең кеше тавыш биргән. Аланың 63 меңе – SMS-хәбәр ярдәмендә, 386 меңе - социаль челтәрләр аша тавыш бирүчеләр. Тавыш бирүдә Мәскәү шәһәре һәм өлкәсе, Краснодар крае, Свердловск өлкәсе халкы аеруча актив.

Илдар Шакиров, Казан шәһәре Башкарма комитетының Икътисади үсеш комитеты рәисе:

 - Татарстан Республикасы бәйгедә актив катнашучылар унлыгына керсә дә, тавыш бирүчеләрнең гомуми саны белән чагыштырганда, татарстанлыларның 2,7 процент кына тәшкил итүе җитәрлек дәрәҗәдә түгел.
 
Бәйгедә тавыш бирүнең икенче этабы 1-30 август көннәрендә узачак. Бу вакытта бөтен ил буенча оештырылачак сораштыруда 10 иң популяр вариант билгеле булырга тиеш. 3 сентябрьдән 5 октябрьгә кадәр дәвам итәчәк конкурсның өченче этабында твоя-россия.рф сайтында тавыш бирү барачак. Нәтиҗәләр 7 октябрьдә билгеле булачак.

Бәйгедә Россиянең ике шәһәре һәм алардагы дүрт символ җиңүче дип табылачак. 200 һәм 2000 сумлык купюралар исә 2017 елда әйләнешкә керәчәк.

http://intertat.ru/tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2197
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5958
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан