Шагыйрә Илсөяр Иксановага Дәүләт бүләге бирелде

Бүген Казан Кремлендә ТР Премьер-министры Илдар Халиков кулларыннан РФ һәм ТР дәүләт бүләкләрен кабул итеп алган 48 кешенең 1се – күренекле шагыйрә Илсөяр Иксановага Татарстанның атказанган сәнгать эшлеклесе исеме бирелде.


Шагыйрә үзе: “Әлбәттә, һәркем хезмәтенә югары бәя биргәнне ярата. Гомеремне сәнгатькә, мәдәнияткә, әдәбиятка багышлаган кеше буларак, эшемне күреп, шулай югары бәяләүләре – минем өчен дә куанычлы хәл. Дәүләт бүләге алга таба хезмәт итәргә канатлар куйгандай булды”, – дип билгеләп үтте. Әдәбият вәкилләренә атказанган сәнгать эшлеклесе исеме бирелүгә карата каршылыклы фикер белдерүчеләр барлыгын искәртеп, озак еллар газета-журналларда әдәбият-сәнгать бүлеген җитәкләвен, шигырьләренең күбесенә җырлар иҗат ителүен, ул язган сценарий буенча телевизион фильм төшерелүен билгеләп, бу эшләрнең дә сәнгать булуын, мөгаен, аларның да исәпкә алынганлыгын әйтте.

“Мин үземне сәнгатьтән ерак кеше дип түгел, ә сәнгатьнең эчендә кайнаган кеше дип саныйм”, – диде Илсөяр Иксанова.
 

Белешмә өчен. Илсөяр Иксанова 1966 елның 7 февралендә ТАССРның Лаеш районы Татар Сараланы авылында туган. Зыялы, тигез-тату гаиләдә төпчек бала булып үскән.

Илсөяр башлангыч сыйныфларда укыганда ук шигырьләр яза башлый. Беренче шигъри тәҗрибәләре төбәк газетасы «Кама ягы» битләрендә басыла, аннары яшь, өметле автор буларак «Яшь ленинчы» (хәзерге «Сабантуй») һәм «Татарстан яшьләре» газеталары белән даими элемтәдә тора, «Татарстан яшьләре» газетасы оештырган әдәби конкурсларда катнашып, җиңүче булып та таныла.

1983 елда И.Иксанова Казан дәүләт университетының татар филологиясе бүлегенә укырга килә. Студент елларында университетның М.Мәһдиев җитәкләгән «Әллүки» әдәби түгәрәгенә йөри, иҗат белән шөгыльләнә, шигырьләре матбугат битләрендә еш басыла. 1988 елда университетны тәмамлагач, ул Татарстан китап нәшриятында корректор булып эшли башлый. «Яшь ленинчы» (1989–1991), «Шәһри Казан» (1991–1997) газеталары, «Ялкын журналы» (1997–1998) редакцияләрендә бүлек мөхәррире вазифаларын башкара, журналист буларак, кызыклы шәхесләр, әдәбият-сәнгать әһелләре турында язылган мәкаләләре, алар белән оештырган әңгәмәләре аша үзен киң җәмәгатьчелеккә таныта. 1999–2001 елларда «Салават күпере» журналында эшли. 2003 елдан – «Сөембикә» журналында бүлек мөхәррире хезмәтендә. 

Шигырьләренең нигезен кеше язмышы, хатын-кыз гаме, гаилә, мәхәббәт турында фәлсәфи уйланулар, күңел кичерешләре тәшкил итә, алар хисләрнең ихласлыгы, беркадәр моңсу-сагышлы аһәңе һәм тел бизәкләренең муллыгы белән укучыны җәлеп итәләр.

И.Иксанованың шигъри иҗаты 2006 елда С.Сөләйманова исемендәге әдәби премиягә лаек була.

Шагыйрә, шигырьләр белән беррәттән, чәчмә әсәрләр – хикәяләр дә язгалый. Аның бу төр әсәрләре дә җитди-фәлсәфи эчтәлеге һәм теленең шигърилеге белән аерылып тора.

И.Иксанова – 1993 елдан Татарстан Язучылар берлеге әгъзасы.

Төп шигырь җыентыклары: “Ышанасы килә”, “Кышкы канәферләр”, “Син – язган язмышым”, “Кырык кыл”.

http://tat.tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8663
    1
    115
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7712
    1
    112
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5633
    4
    79
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4716
    6
    53
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8149
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...