«Сөембикә» журналистлары «Татар рухы һәм каләм» бәйгесендә җиңде!

Җиңүчеләргә тантаналы шартларда бүләкләр һәм дипломнар тапшырылды. Бәйге берничә номинациядә узып, алар арасында «Сөембикә» журналыннан да ике журналист бар. Коллегаларыбыз Гөлнур Сафиуллина – «Үрнәк татар гаиләләре», Фәнзилә Мостафина «Татар халкының тормыш-көнкүреш, гореф-гадәтләрен һәм йола-бәйрәмнәрен яктырту» номинацияләрендә җиңүче булды. Аларны Бөтендөнья татар конгрессы Башкарма комитеты рәисе Ринат Закиров, Татарстан республикасының «Татмедиа» матбугат һәм массакүләм коммуникацияләр агентлыгы җитәкчесе урынбасары Эльвира Әхмәтова, Татарстанның Дәүләт Советынын фән, мәгариф, милли мәсьәләләр комитеты рәисе, Татарстанның халык шагыйре Разил Вәлиев, Бөтендөнья татар конгрессы Башкарма комитеты рәисенең Беренче урынбасары, «Татар рухы һәм каләм» татар журналистлары бәйгесенең жюри рәисе Данис Шакиров, Татарстанның халык шагыйре, Татар рухы һәм каләм бәйгесенең жюри әгъзасы Марсель Галиев, «Ватаным Татарстан» газетасының баш мөхәррире, Татар рухы һәм каләм бәйгесенең жюри әгъзасы Минназим Сәфәров, Бөтендөнья татар конгрессы Фонды директоры Сәрия Зиннәтова котлады. Бәйрәм тантанасы Татарстан сәнгать осталары чыгышы белән бергә үрелеп барды.