«Сөембикә» – Аксубайда

Кичә генә «Ак калфак» Бөтендөнья хатын-кызлар оешмасы җитәкчесе Кадрия Рәес кызы Идрисова белән Аксубай якларын урап кайттык әле. Аксубайның ак калфаклы уңган кызлары тау кебек өелгән чәк-чәк белән каршы алды безне. Аксубайдагы «Ак калфак» оешмасы җитәкчесе Әлфия Рәшит кызы Нурхәмәтова (районның туган якны өйрәнү музее җитәкчесе дә ул) «Ак калфак»ның актив кызлары белән түгәрәк өстәл үткәрде. Без менә шушы чараның кунаклары буларак катнаштык. Бик җылы, ихлас сөйләшү булды ул. «Ай-яй, каян вакыт табалар да, ничек көчләре җитә? » – дип, гаҗәпләнеп тә, сокланып та утырдык кызларга. Ә эшләгән эшләре, чынлап та күп. «Ак калфак»ның актив ханымнарының берсе – «Буратино» балалар бакчасы мөдире Гөлшат Хәмзи кызы Гыйльметдинова балалар бакчасына йөрүче сабыйларга көндезге йокы вакытында бишек җырларын җырлауны керткән. (Аксубайда татарлар гына түгел, руслар, чуашлар да күп: «Бер көнне татарча җырласаң, икенче көнне чуашныкын, аннан русныкын җырларга кирәк», – дип киңәш бирде Кадрия Рәесовна). Татар теле дәресләрен дә балалар өчен кызыклы, рәхәт итеп уздыру чарасын тапкан алар. Бер генә әти-әнинең дә татар теле кирәкми дип килгәне булмаган моңарчы. Мәдинә Мирсәет кызы Зәйдуллина да кызыклы, киң фикерле шәхес. Эшмәкәр бу ханым мәктәптә укучы кыз балаларга гыйффәтлелек, инсафлылык, әдәплелек хакында кызыклы да, файдалы да лекцияләр укуны башлап җибәргән. Аксубай китапханәсенең халыкка хезмәт күрсәтү бүлеге мөдире Фәимә Гариф кызы Гатина да – балаларыбыз борынгы гореф-гадәтләребезне белеп үссен, йолаларыбызның асыл мәгънәсен аңласын, язучыларыбызны белсен, әдәби әсәрләребезне укып үссен дип чын йөрәгеннән тырышып йөрүче фидакарь җанлы ханымнарыбызның берсе.

Аксубайда тагын бер күңелле чара көтеп торган икән әле безне – «Гаилә һәм мәктәп» журналы уздырган «Күркәм гаилә–2015» бәйгесен дә тамаша кылдык. Район мәдәният йортында узган бу бәйгедә Аксубайның иң матур, иң үрнәк дүрт гаиләсе ярышты. Дүртесе дә – укытучылар гаиләсе. Җиңүче дип танылган гаилә бәйгенең Казанда узачак финал турына чакыру алды. Чын күңелебездән уңыш телибез аларга!

Аксубай безне кичке тымызык җиле, кызыл шәфәкъ һәм искиткеч мөлаем, ягымлы кешеләре белән озатып калды.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8526
    0
    84
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7746
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3778
    1
    42
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4793
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3635
    0
    28
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда