Сайлауга баручыга – ташламалы беләзек

Казан Башкарма комитетында узган киңәшмәдә башкала мэры "Думада Татарстан тавышы ачык яңгырарга тиеш!" дигән сүзләрне яңгыратты. Ул барлык шәһәрлеләрне 18 сентябрьдә узачак Россия Дәүләт Думасына депутатлар сайларга чакырып калды.


Мэр фикеренчә, сайлаулар бөтенхалык тавыш бирүе булырга тиеш.

- Бу безнең өчен сәяси яктан өлгергәнлекне, бердәмлегебезне сыный торган имтихан булачак. Без Татарстан республикасы шәһәрләре арасында гына түгел, ә Россия субъектлары арасында да сайлауларны оештыру һәм тавыш бирүчеләр саны буенча алдынгы рәтләрдә булырга тиешбез, – ди Илсур Метшин.

18 сентябрьдә тавыш бирүдә катнашу – Татарстандагы тормышны яхшырту өчен тырышкан Президентыбызга теләктәшлек күрсәтү дә әле.


- Хәзер бар җирдә Татарстан яхшы үрнәктә.  Бу – зур хезмәт. Россия законнарын чыгара торган органда Татарстан вәкилләренең тавышы ныклы яңгырарга тиеш. Моның өчен безгә һәрвакыт актив булган депутатлар кирәк, – ди мэр.

Сайлау көнне – бәйрәм

Казан Мэриясе күркәм гадәтне дәвам итеп, быел да сайлаулар көнендә бәйрәм оештыра. “Татарстанны яратам! Сайлауларга барам!” проекты дәвамында 18 сентябрьдә тавыш биргән һәркем “Мин тавыш бирдем!” дигән беләзек алачак. Беләзек ул көнне җәмәгать транспортында бушлай йөрү, музейларга, динозаврлар паркына бушлай керү, “Казан Арена” стадионы мәйданында узачак бәйрәм программасын карау мөмкинлеге бирә.

Сайлау көнендә төп бәйрәм чаралары 11.00дә башлана. “Казан Арена” стадионы территориясендә төрле мәйданчыклар оештырыла. Биредә ГТО нормаларын тапшыру, бию мастер-классларында катнашу, “Культурный сдвиг” урам театры чыгышын карау, Россия актеры Вениамин Смехов белән очрашу мөмкинлеге тудырылачак.

Кичке сәгать 4тә зур концерт программасы башлана. Биредә Татарстанның иҗат коллективлары чыгышы оештырыла. Бәйрәмгә Сергей Лазарев белән Игорь Николаев та чакырылган.

Эшмәкәрләрдән – ташлама

Әйтергә кирәк, “Татарстанны яратам! Сайлауларга барам!” марафонына республика эшмәкәрләре дә кушылган. “Мин тавыш бирдем” беләзеге кибетләрдә, ягулык станцияләрендә, кинотеатрларда төрле бонус һәм ташламаларга ия булу мөмкинлеген тудыра. Бу идеяне бизнес вәкилләре үзләре тәкъдим иткән. Хәзергә акциягә 30 оешма кушылган, бу сан көннән-көн үсә бара.

- Шулай итеп, без татарстанлыларны сайлауларда катнашырга өндәргә, 18 сентябрьдә бәйрәм рухын тудырырга телибез. Шунысын да искәртәм: әлеге акциягә кече һәм урта бизнес вәкилләре дә кушылырга мөмкин, аларның нинди төр бизнес алып барулары мөһим түгел. Бөтен эшмәкәрләрнең дә катнашу мөмкинлеге бар. Моның өчен бары тик безгә мөрәҗәгать итәргә кирәк, – ди Татарстанның кече һәм урта эшмәкәрлек предприятиеләре ассоциациясе президенты Хәйдәр Хәлиуллин.



Ташламалар турында www.vibiray.tatar сайтында тулырак белешеп була. Шунысын да аңлатып үтик: “Мин тавыш бирдем” беләзегенә ия булган, тавыш бирү участогында сэлфи ясаган һәм #япроголосвал #минтавышбирдем хэштеглары белән бу фотоны социаль челтәргә куйган казанлылар гына ташламаларга ия булачак.

чыганак - http://intertat.ru/tt/society-tt

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2196
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5958
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан