Сак-Сок канатларының сере турында балалар өчен татар телендә бүген беренче мюзикл була

Сәхнә әсәренең нигезенә татар халык авыз иҗаты үрнәге салынган

Бүген, ягъни 12 майда сәгать кичке 6да Казан «Әкият» балалар үзәгендә «Сак-Сок канатларының сере» дип исемләнгән 2 пәрдәле мюзикл премьерасы була. Бу куелышта артистлар да, тамашачылар да - балалар. Мәдәни чара булудан тыш, бу мюзикл — балаларның иҗади сәләтләрен үстерү белән бергә милли татар традицияләрен саклауга юнәлтелгән проект.

"Татар-информ" МА бу хакта апрельдә үк хәбәр биргәнчә, мюзиклның нигезендә «Сак-Сок» бәетенә нигезләнгән сюжет, ә спектакльгә музыканы композитор Ильяс Камал махсус язган. Әсәрдә халык зирәклеге һәм заманча музыка аһәңнәре бергә кушылган.

Куелышта катнашканнарның күбесе балалар булып, алар арасында - М. Балакирев исемендәге Балалар сәнгать мәктәбе укучылары. Спектакльнең музыкаль өлешен Илнар Фәйзетдинов җитәкчелегендәге «SFORZANDO» оркестры тәэмин итә. Мондый чаралар яшь буында татар теленә һәм сәнгатенә кызыксыну уята, дип саный оештыручылар, чөнки мюзикл һәм, гомумән, музыкаль театр бүгенге көндә иң актуаль юнәлешләрнең берсе. Актерлык, музыка, бию сәнгатләре «мюзикл» жанрында бик табигый кушыла һәм балаларның иҗади яктан үсүенә булышлык итә.

Проект авторы - Казан консерваториясенең IV курс студенты Гүзәл Абаева, режиссеры - Илгиз Разетдинов. Чараның партнерлары «Калеб» яңа буын җыены һәм «Я - ДоброТворец» дип исемләнгән социаль-иҗади проект.

«Сак-Сок канатларының сере» мюзиклы «Безнең Татарстан» яшьләр форумының финалында катнашты. Куелышның берничә номеры 21-23 апрельдәге форумның күргәзмәсендә күрсәтелде, дип белдерә матбугат сәркатибе Альбина Архиреева.

http://tat.tatar-inform.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2197
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5958
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан