Рөстәм Миңнеханов ТР Үзәк сайлау комиссиясенә муниципаль депутатлар имзаларын тапшырды

Татарстан Республикасы Президенты вазифаларын вакытлыча башкаручы Рөстәм Миңнеханов бүген, республика Президентына кандидатлардан беренче булып, ТР Үзәк сайлау комиссиясенә муниципаль депутатлар имзаларын тапшырды һәм Федерация Советына кандидатуралар исемлеген тәкъдим итте.

Шуны билгеләп узыйк: муниципаль берәмлекләрнең 405 депутаты Рөстәм Миңнеханов өчен тавыш биргән. Аның кандидатурасын хуплаган депутатлар арасында барлык 43 район, 2 шәһәр, 60 шәһәр һәм авыл җирлекләре вәкилләре бар.

Әйтергә кирәк, депутатлар Татарстан Президентына бары тик бер кандидат өчен генә тавыш бирергә хокуклы. «Муниципаль фильтр» узмаган кандидатлар сайлау алды узышыннан төшеп кала. Закон нигезендә, Рөстәм Миңнеханов, шулай ук, Федерация Советына Татарстаннан 3 кандидаттан торган исемлек тапшырды. Бу ТР Премьер-министры урынбасары – авыл хуҗалыгы һәм азык-төлек министры
Марат Әхмәтов, хәзерге сенатор Сергей Батин һәм РФ Президенты каршындагы эчке сәясәт буенча идарәнең экс-башлыгы Олег Морозов. Сенаторны алмаштыру – төбәк башлыгын сайлаганда зарури процедура. Татарстаннан сенатор кандидатурасы Татарстан Президенты инаугурациясеннән соң шундук билгеләнәчәк (аны сайлап алганнан соң ай дәвамында). Искәртеп узабыз, ТР Президентын сайлау 13 нче сентябрьдә узачак. Соңгы тапкыр төбәк башлыгын турыдан-туры сайлаулар 14 ел элек – 2001 нче елда үткәрелгән булган.

ТР Үзәк сайлау комиссиясе секретаре Надежда Борисова журналистларга шәрехләп узганча, Сайлау кодексы таләбе буенча, ТР Президентына кандидат теркәү өчен 386 имза тапшырырга тиеш, шул ук вакытта аларның саны 5 проценттан артмаска да тиеш. Шул рәвешле, бүген «Бердәм Россия» партиясеннән Рөстәм Миңнеханов кандидатурасы өчен тавыш биргән муниципаль берәмлекләрнең вәкиллекле органнарының 405 депутатының имзасы тапшырылды. «Әлеге имзалар эшче төркем тарафыннан тикшереләчәк, моңарчы тапшырылган документларны да эшче төркем җентекләп тикшерде.

Имзаларын куйган һәм аларны нотариус аша раслаган депутатлар исемлеге өч көн дәвамында Үзәк сайлау комиссиясе сайтында урын алачак. Шулай ук, документлар тикшерелгәч, якынча 10 көннән, комиссия утырышта ТР Президентына кандидатны теркәү яки кире кагу турында карар кабул итәчәк», - дип белдерде Надежда Борисова. Аның әйтүенчә, имзаларны җыю, документны рәсмиләштерү тәртибе закон таләпләренә җавап бирергә тиеш. Ул депутатның берьюлы ике кандидат өчен тавыш бирә алмавын да искәртте, бу хәл була калса, тавыш имзаларны беренче булып тапшырган кандидатта калачак.

сылтама: http://tat.tatar-inform.ru/news/2015/07/22/111501/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    7854
    0
    81
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7155
    2
    72
  • Кайту Безне ташлап киткән иремнең сөяркәсе шалтыратты...
    6037
    2
    39
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3433
    1
    38
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    3799
    1
    37
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда