Рөстәм Миңнеханов: Татарстанның мәгариф системасы уку елына әзер

Татарстан Президенты РФ Хөкүмәте башлыгы Дмитрий Медведевка яңа уку елына төзелгән объектлар турында сөйләде.

 

(Казан, 2 сентябрь, "Татар-информ", Гөлнар Гарифуллина). Татарстанның мәгариф системасы уку елына әзер. Татарстан Президенты Рөстәм Миңнеханов РФ Хөкүмәте башлыгы Дмитрий Медведев видеоконференция режимында уздырган киңәшмәдә шулай дип белдерде. "Мәгариф" илкүләм проекты буенча мәгариф объектларына багышланган киңәшмә "Перспектива" 186 нчы лицеенда булды.

Республика Президенты яңа уку елына төзелгән объектлар буенча хисап тотты. "Без 1224 урынга исәпләнгән күп профильле "Перспектива" лицее каршында басып торабыз. Бу мәктәптә ике бассейн, ике спорт залы бар. Бүген бу мәктәпкә 317 беренче сыйныф укучысы килде. Барлыгы унбер беренче сыйныф", - диде ул.

Рөстәм Миңнеханов уку елы башына 5,7 мең урынга биш мәктәп һәм ике янкорма куллануга кертелгәнен әйтте. Ел азагына кадәр 858 урынга исәпләнгән мәктәп һәм Осиново бистәсендә 800 урынлык янкорма файдалануга тапшырылырга тиеш.

Реклама

"Демография" проекты буенча, уку елы башына 3330 урынны үз эченә алган 17 балалар бакчасы кулланышка кертелде. Ел азагына кадәр 2400 урынга исәпләнгән тагын ун балалар бакчасын файдалануга тапшыру көтелә. Дмитрий Анатольевич, болар сез куйган бурычлар кысаларында", - диде Рөстәм Миңнеханов.

Президент капиталь ремонт программасы буенча 147 оешма төзекләндерелгәнен әйтте. Сүз уңаеннан, бу программа буенча, 111 балалар бакчасы, 29 гомуми белем бирү учреждениесе, 3 кадет һәм 4 коррекцион мәктәптә ремонт уздырылган. "Татарстанның мәгариф системасы уку елына әзер. Ворлдскиллс бәйрәме һәм Татарстанның мәгариф системасына ярдәм өчен рәхмәт", - диде.

Дмитрий Медведев җавабында шулай ук рәхмәтен җиткерде. "Республика җитәкчелеге, Татарстан халкы куйган тырышлыктан башка, мондый бәйрәм килеп чыкмас иде. Ул бик югары дәрәҗәдә узды. Моның белән сезне котлыйм. Бу чыннан да ил тормышында урта һөнәри белемне үстерүдә, яңа квалификацияләр барлыкка килүдә әһәмиятле вакыйга булды", - диде.

Премьер-министр Казандагы яңа лицейда унбер параллель беренче сыйныф булуына да берникадәр гаҗәпләнде. "Сез сөйләгән әйберләр яхшы. Унбер сыйныф булгач, беренче "М" классы буламы инде ул?! Без укыганда "б", "в", " г" лар була иде, ләкин "л", "м"?! Кызык!.." - диде ул.

Алга таба  тагын сигез төбәк вәкиле үзләрендә яңа уку елына башкарылган эш турында кыскача мәгълүмат җиткерде.

Ошый
Поделиться:
Комментарийлар (0)
Cимвол калды:
Хәзер укыйлар
  • 6889
    9
    219
  • ТУГАН ЙОРТ БУСАГАСЫ  Җиңел велосипедының бер як мөгезенә аскан авыр сумкасын йорттан-йортка йөри-йөри бушатып бетергәч, Гүзәлия өенә табан атлады. Замана үзгәрү белән, кеше белән кеше арасындагы элемтә чаралары арта бара...
    7476
    7
    177
  • 7548
    5
    128
  • Бәхет шәүләсе ​​​​​​​Тиранның төрлесе була. Кул күтәреп, җәберләп кенә торучыны түгел, кешене рухи яктан басып, иреген чикләп яшәүчеләргә карата да әйтелә ул. Карап торышка менә дигән ир, кайгыртучан әти дип уйларлык кешеләр дә гаиләдә тиран булып чыгарга мөмкин.
    7561
    6
    118
  • Кардагы эзләргә ни булыр?!  Урамда кар-буран уйный. Әллә быелның беренче бураны инде?! Юл кырыйларында кар эскерте өелеп тормаганга шулай тоеламы соң, әллә яуганы да эреп бетә баргангамы. Һәр яуган кар, сукмакларны тутырып бөтерелгән буран бу кышның беренчесе сыман... 
    6248
    0
    97
Соңгы комментарийлар
  • 24 гыйнвар 2020 - 19:46
    Без имени
    Йөрәкне актара торган хикәя бер сулуда укып чыктым👍
    ​Инә
  • 24 гыйнвар 2020 - 19:46
    Без имени
    Бу гаилэгэ бэхетле тормыш телим
    Ике туй – бер ир
  • 24 гыйнвар 2020 - 19:46
    Без имени
    Хикэйэне укыным бик матур эйтелгэн, азагыла матур боткэн. Мин уземден язмышымды уйлап уйга калдым. Беззе улем айырзы, юкхыныу косло.
    Ике туй – бер ир
  • 24 гыйнвар 2020 - 19:46
    Без имени
    Барсына да кайнана гаепле.фануза.
    Гафу итәргәме?
  • 24 гыйнвар 2020 - 19:46
    Лилия Гараева
    Хәерле көннәр! Хикәя язу өчен берәр язучы белән танышасым килә, дигән автор, сезгә бу мәсьәлә буенча «Казан утлары» журналына мөрәҗәгать итү урынлырак булыр кебек. Язучылар союзы да гозерегезне кире какмастыр.
    Гаиләме, карьерамы? 
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...