Рөстәм Миңнеханов татарстанлылар белән бергә «Татарстан командасы» концертын тамаша кылды

Казанда Республика Көне һәм Шәһәр Көне икеләтә бәйрәме зур концерт белән тәмамланды. Тантана «Казан» гаилә үзәге янында узды. Татарстан башкаласы кешеләрен һәм кунакларын котларга Татарстан Республикасы Президенты Рөстәм Миңнеханов та килгән иде.

Ун меңләгән кеше бу вакыйганы республика белән бергә бәйрәм итү өчен «Казан» гаиләләрне теркәү сарае янына җыелган иде. Сәхнәдә Татарстанның иң яхшы коллективлары чыгыш ясады, Россия Федерациясенең халык артисты Олег Газманов һәм «Эскадрон» төркеме бәйрәм бизәге булды.

«Шәһәр җитәкчелегенә һәм бүгенге бәйрәмне оештырган һәммә кешегә рәхмәтемне җиткерәсем килә, беренче чиратта, казанлыларга шундый актив булганыгыз һәм барлык чараларда да катнашканыгыз өчен. Бик зур рәхмәт! Республика Көне, Шәһәр Көне котлы булсын!», - дип мөрәҗәгать итте Татарстан Республикасы Президенты шунда җыелган халыкка.

Бәйрәм чараларын төрле төсләрдән торган матур салют тәмамлады.

чыганак - http://president.tatarstan.ru/tat