Рөстәм Миңнеханов Самара өлкәсе губернаторына кайгы уртаклашу сүзләрен җиткерде

Зәй янында Самарадан Ижауга юл тотучы пассажирлар автобусы белән булган юл-транспорт һәлакәте нәтиҗәсендә 13 кеше һәлак булды.

Татарстан Президенты Рөстәм Миңнеханов Татарстанда, Зәй районында фаҗига сәбәпле, Самара өлкәсе губернаторы Николай Меркушкинга кайгы уртаклашу хәбәрен җиткерде.

Искәртеп үтик, бүген төнлә 00.37 Зәйдән чыкканда, Әлмәткә бару юлында,   “Неоплан” пассажир автобусы “КАМАЗ” йөк автомобиле белән бәрелешүе турында хәбәр ителгән иде. Бәрелешкәннән соң Самарадан Ижауга баручы автобус юл кырыена төшеп, янып киткән.

Фаҗига нәтиҗәсендә 13кеше һәлак була, шул исәптән ике бала. Тагын 15 кеше зыян күргән.

“Татарстанлылар һәм шәхсән үз исемемнән кичә төнлә Самарадан Ижауга юл тотучы автобус белән булган коточкыч фаҗига сәбәпле, ихластан кайгыгызны уртаклашам һәм терәк булуыбызны белдерәм.

Күпсанлы кешеләр, шул исәптән балалар үлеменә китергән фаҗига турындагы хәбәр безнең күңелләрне кузгатты. Һәлак булучыларның якыннары, туганнарының кайгысын уртаклашабыз, зыян күрүчеләрнең тизрәк терелүен телибез”, - диелгән Татарстан Президенты юллаган телеграммада.

Сылтама: http://tatar-inform.tatar

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда