Рөстәм Миңнеханов Парижда Франциянең татар җәмәгатьчелеге белән очрашты

Рөстәм Миңнеханов эш сәфәре кысаларында Парижда Франциянең татар җәмәгатьчелеге белән очрашты. Бу хакта тулырак мәгълүматны Татарстан Республика Президентының матбугат хезмәте бирә.

Очрашу Франциядә Россия Илчелеге территориясендә үткәрелде. Очрашуда татар җәмгыяте активистлары, «Франция Татарстан йорты» ассоциациясе вәкилләре катнашты. Рөстәм Миңнеханов аларга татар халкының традицияләрен, мәдәниятен һәм телен саклау мәсьәләләренә битараф булмаулары өчен рәхмәтләрен җиткерде.



Татарстан Президенты кайсы гына илгә барып чыкмасын, татар җәмәгатьчелеге активистлары белән очраша, тарихи ватаннан читтә татар телен саклау турында фикер алыша.

Бүгенге Франция һәм шул исәптән миграция мәсьәләләре турында сүз кузгатылганда, Рөстәм Миңнеханов Татарстан, Россия регионы буларак, төрле милләт вәкилләренең гасырлар дәвамында дус-тату яшәү үрнәге булганлыгына билгеләп узды. Бу мәсьәләдә безнең зур тәҗрибәбез бар диде ул. Татарлар кайсы гына илгә килеп урнашмасыннар, шул җирлек, шул ил өчен файдалы булып яши алалар диде ул. Президент «Франция Татарстан йорты» активының үз тирәсенә Франциядә яшәүче татарларны туплау теләге өчен ихтирамын белдерде. Төрле исәпләүләр буенча Париж, Бордо, Ницце, Лион һәм Франциянең башка шәһәрләрендә 700ләп татар яшәгәнлеген билгеләп узды.

Бүген Франция татарлары Европа татарлары альянсында актив эшчәнлек алып баралар, Татарстан һәм Бөтендөнья татар конгрессы белән ныклы элемтәләр урнаштырдылар дип билгеләп узды Рөстәм Миңнеханов.



Президент татар телен интернет челтәрендә он-лайн өйрәнергә мөмкинлек бирә торган «Ана Теле» программасы турында сөйләде. Программаның инде дүрт ел дәвамында гамәлдә булып, аның дөнья буенча актив кулланылуын җиткерде. Рөстам Миңнеханов АКШ, Кытай, Австралия кебек илләрдә булганда, андагы татар яшьләренең татарча бик яхшы сөйләшүләренә игътибар итүен әйтте. 
Очрашу барышында Көнчыгыш телләре һәм цивилизацияләре институтының INALCO (Париж) татар һәм рус телләре укытучысы Ләйлә Садовинова татар телен укыту мәсьәләре турында сөйләде, шушы вуз студенты Александр Казачевски татар телендә сөйләп һәм Габдулла Тукайның «Туган тел» шигырен укып тел белүен дәлилләде.

Россиянең Франциядәге Гадәттән тыш һәм тулы вәкаләтле вәкиле Александр Орлов Илчелекнең татар җәмгыятенә төрле чаралар, шул исәптән милли бәйрәмебез сабан туен да уздырырга ярдәм итергә әзер булуын билгеләп узды. Франциядә тата җәмгыяте лидеры, «Франция Татарстан Йорты» ассоциациясе вице-президенты Әлфия Айзатова үткәрелгән кичәләр һәм алдагы планнар турында сөйләде. Ассоциациянең 400ләп кешене берләштерүен билгеләп узды.

Актив хезмәттәшлек өчен Рөстәм Миңнеханов «Франция Татарстан Йорты» ассоциациясе вице-президенты Әлфия Айзатовага Татарстан Республикасы Президентының Рәхмәт хатын тапшырды.

чыганак: http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8765
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8854
    8
    70
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4542
    4
    51
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5791
    2
    26
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан