Рөстәм Миңнеханов Мөслимнең Үзәк район хастаханәсендә булды

Бүген Татарстан Президенты Рөстәм Миңнеханов Мөслимгә эш сәфәрендә капиталь ремонттан соң Үзәк район хастаханәсендә булды. Бу хакта Татарстан Республикасы Президенты матбугат хезмәте хәбәр итә.

Мөслимнең Үзәк район хастаханәсендә ремонт эшләре ике этапта барды. Беренче этапта 1986 елда төзелгән стационар бинасын ремонтладылар, икенчесе кысаларында поликлиника яңартылды.

Татарстан лидеры сүзләренчә, Мөслим районы елдан-ел яңартыла, биредә парклар һәм скверлар ачыла, социаль объектлар, мәктәпләр һәм балалар бакчалары төзелә һәм ремонтлана. Авылда яшәү шартлары шәһәрнекеннән аерылырга тиеш түгел диде Татарстан Президенты. Бу бурычларны чынга ашыруга 30 дан артык максатчан программа юнәлдерелгән.
"Башкарылган эшләрнең нәтиҗәсен күрәбез: яшьләр туган якларында кала башлады диде Рөстәм Миңнеханов. -Сезнең районның потенциалы зур. Мөслимдә яшәүчеләр - тырыш һәм хезмәтчән халык. Сез алдыгызга куелган теләсә кайсы бурычны башкара алачагыгызга ышанам".

Сәламләү чыгышыннан соң республика лидеры хастаханәнең баш табибына яңа ашыгыч ярдәм машинасы ачкычын тапшырды, аннары медицина учреждениесе бинасын карады. Татарстан сәламәтлек саклау министры Гадел Вафин белдергәнчә, Үзәк район хастаханәсе өчен иганәчеләр ярдәме белән заманча УЗИ аппараты, цифрлы ренгент комплексы, ФГДС һәм башка җиһазлар кайтарылган.

Рөстәм Миңнеханов Мөслимдә Ык елгасының Су саклау зоналары елы кысаларында төзекләндерелгән яр буен карады. Биредә ял мәйданчыклары, спорт һәм балалар зонасы, җәяүлеләр һәм велосипедчылар юлы ясалган.

сылтама - http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан