Рөстәм Миңнеханов Казан гипронииавиапром компаниясе эшчәнлеге белән танышты

Бүген Татарстан Президенты Рөстәм Миңнеханов “Казанский Гипронииавиапром” АҖнең “КНИАТ” инновацион-технологик үзәге” сәнәгать технологияләре технопаркы территориясендә эшли торган производстволары эшчәнлеге белән танышты, дип хәбәр итә ТР Президенты матбугат хезмәте.

Президентны анда ТР вице-премьеры – сәнәгать һәм сәүдә министры Альберт Кәримов, Казан мэры Илсур Метшин, “Казанский Гипронииавиапром” АҖ генераль директоры Борис Тихомиров, ТР Президенты ярдәмчесе Равил Зарипов һәм башкалар озата йөрде.

Технопарк биләмәләренә килү белән, Рөстәм Миңнеханов электродинамик вибростендлар эшләп чыгара торган җитештерү мәйданнары эше белән танышты. “Донглинг-Казань“ Россия-Кытай уртак преприятиесе вибрацияне исәпләү техникасы приборларына тест уздыру һәм тикшерү мөмкинлеге биргән установкалар җитештерү буенча эшли. Вибростендлар исә машина һәм суднолар төзелеше, авиатөзелеш, оборона сәнәгате кебек өлкәләрдә приборларны, детальләрне зур төгәллек белән сынау мөмкинлеге бирә.

Аннары Татарстан Президенты стенд технологик системаларын соңгы җыю цехында булды. “Казанский Гипронииавиапром” АҖ бүген Россиянең күп кенә эре предприятиеләре белән хезмәттәшлек итә, дип белдерделәр Рөстәм Миңнехановка. Аерым алганда, хәзер Самарадагы “Кузнецов” ААҖ – Россиянең авиацион газ турбиналары дивигательләре, космик ракеталар өчен ракета двигательләре җитештерү һәм төзәтү буенча әйдәп барган предприятиесендәге сынау стендын үзгәртеп кору һәм техник коралландыру буенча эшләр тәмамлана.

Хезмәттәшлек буенча проект НК-32 и НК-35 двигательләрен, шул исәптән тавыш тизлегеннән югарырак тизлектәге очышка охшатып башкарылган сынауның бөтен спектрын уздыру өчен сынау стенды конструкциясеннән гыйбарәт. Шуны билгеләп үтик: НК-32 тибындагы двигательләр аннары “Ту-160” стратегик бомбардировщигына куела. Башка партнерлар исәбендә тагын Свердловск өлкәсендәге Арамиль авиация ремонтлау заводы, Рыбинскида “Сатурн-Газ турбиналары” ААҖ. Аларның беренчесендә Казан белгечләре тарафыннан авиация двигательләрен сынау буенча станция, икенчесенең мәйданчыгында газ турбиналары агрегатларын заводта контроль сынаулар уздыру өчен универсаль стенд булдырылды.

Рөстәм Миңнеханов аннары “Казанский Гипронииавиапром” АҖ нең Россиядә бердәнбер булган никель-бор йөгертү буенча гальваник җитештерү цехын карады. Әлеге акционерлык җәмгыяте хезмәткәре – КИТТУ аспиранты Марат Мәүлетов аңлатканча, мондый производствоны тагын Америкада гына очратып була. Ышкылу коэффициенты һәм кырылып тузу күрсәткече түбән булуы, шулай ук югары температураларга чыдамлыгы зур булуы белән әлеге материал детальләрнең тузуга чыдамлыгын сизелерлек арттыра. Никель-бор йөгертү алымы нефть чыгару тармагында, оборона сәнәгатендә, машина төзелешендә, агач эшкәртүдә һ.б. өлкәләрдә актив кулланыла. Казан предприятиесендә бүген эшләтеп җибәрү-көйләү эшләре төгәлләнеп килә, яңа линияне быел сентябрьдә эшләтеп җибәрү күздә тотыла.

сылтама: http://tat.tatar-inform.ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7840
    1
    112
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5694
    4
    80
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4749
    6
    53
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8189
    2
    49
  • Вәгъдә йөзеге Җамалия әби җырлый-җырлый җеп эрли. Тәрәздән кергән кояш нурлары аның ак яулыгына, кара бөрчекләр төшерелгән ситсы күлмәгенә төшә...
    3906
    7
    47
Реклама
Соңгы комментарийлар
Реклама
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...